1 Зочид буудлуудын тухай үйлчлүүлэгчдийн сэтгэгдлийг зочид буудлын ажилчид өөрсдөө бичдэг

Зочид буудлууд илүү олон үйлчлүүлэгч татахын тулд, өөрийн веб хуудсандаа болон олон нийтийн сүлжээгээр “үйлчлүүлэгчдийнхээ нэрийн өмнөөс” магтаал, талархлын зурвасууд үлдээж, сэтгэл ханамжийн судалгаагаа тултал нь сайн бөглөдөг.

• Тухайн зочид буудлын тухай та үнэнийг мэдэхийг хүсч байвал, тэнд очиж байсан найз, эсвэл танилаасаа асуусан нь дээр болов уу.

2 Аялалын компаниудын ажилчид зөвхөн өөртөө ашигтай зүйлсийг л санал болгоно

Эцсийн эцэст аяллын компани бол бизнесийн л байгууллага шүү дээ. Тэд ашиг олохын тулд юу ч хийхээс буцахгүй. Ялангуяа жуулчин илгээвэл, илүү их мөнгө төлье гэсэн газрууд руу үйлчлүүлэгчдээ заавал явуулахыг хичээж байдаг. Тухайлбал, борооны улирлыг нь үл харгалзан Тайланд руу жуулчин явуулах гэх мэт...

• Та зөвхөн өөрийнхөө болон хамт аялах гэж буй хүмүүсийнхээ чин сэтгэлээсээ очихыг хүссэн газрыг л зориорой. Мөн аяллын компаний зүгээс таныг аялах чиглэлээ өөрчлөх санал тавьбал сайтар бодож үзээрэй.

3 Буудлын үнэ нь нэр, байршлаас шалтгаална

Хотын төвд, эсвэл нисэх буудалтай ойролцоо байрладаг зочид буудлууд ихэвчлэн үнэтэй байдаг.

• Аяллын үеэр мөнгөө хэмнэхийг хүсч байвал, хотын төвөөс аль болох зайдуу газар буудал захиалаарай.

4 Алдар нэрийн төлөө илүү мөнгө төлөх

Нэр хүндтэй зочид буудлууд сайн, муу байхаасаа үл хамааран үнэтэй байдаг. Гэвч яг үнэндээ үйлчилгээ, тав тух зэрэг нь арай гайгүй үнэтэй зочид буудалтай адилхан байх болно.

• Заавал алдартай, хүмүүсийн их очдог зочид буудлуудад байрлах гэсний хэрэггүй.

5 Зочид буудлын удирдлагууд болон үйлчлэгчидтэй бүдүүлэг харьцах хэрэггүй

Та аялалын үеэр хичнээн ядарч, бухимдаж байсан ч гэсэн зочид буудлын ажилчидтай найрсаг харилцахыг хичээгээрэй. Ялангуяа үйлчлэгч нарын дургүйг хүргэснээсээ болж дутуу цэвэрлэсэн ариун цэврийн өрөө, хиртэй ор дэрний даавуутай учрах вий.

• Зочид буудлын хүлээн авах дээр очих, өрөө захиалах үедээ маш эелдэг байвал, дажгүй өрөөнд орох магадлал өндөр. Мөн үйлчлэгч нарт найрсаг хандах хэрэгтэй.

6 Дуран

Ихэнх зочид буудлын өрөөний хаалганы дурангууд аль аль талаасаа харах зориулалттай байдаг.

• Зочид буудлын өрөөнд орох үедээ хаалганы дуранг нь нягталж үзээд гаднаасаа харагддаг байвал жижигхэн цаасаар бөглөчихөөрэй.

7 Мини-баран дахь хугацаа нь дууссан бүтээгдэхүүн

Зочид буудлын үйлчлэгчид хугацаа нь дууссан бүтээгдэхүүн байгаа эсэхийг шалгаж байх ёстой ч, их ажлын хажуугаар амжихгүй, анзаарахгүй үлдээх нь бий.

• Тиймээс та мини-барнаас хүнс авч хэрэглэх гэж байгаа бол хугацаа нь дуусах өдрийг дахин нягтлаарай.

8 Хөтөч болон дэлгүүрийн үүргийг нэг дор гүйцэтгэнэ

Хөтөч нарын хувьд мөнгө сайн олох хамгийн гол үе нь жуулчид хоолонд орох болон дэлгүүр хэсэх үе байдаг. Тэд жуулчин дагуулж ирсний шагнал мөнгө авахын тулд ихэвчлэн үнэтэй хоолны газар, дэлгүүрээр ордог.

• Аялалд гарахынхаа өмнө тухайн орон нутгаа сайн судалж, хаана хоол идэх, дэлгүүр хэсэхээ төлөвлөөрэй.

9 Гарын мөнгө өгөх

Хоолны газар хүн ихтэй байгаа үед, эсвэл олон хүн  цугласан хүлээн авалтын үед зөөгчид хүн бүртэй тулж харьцаж, юу хүсч байгааг нь асууж, мэдэх хэцүү байдаг.

• Хэрвээ та хүлээн авалтын үеэр зөөгчийг өөртөө илүү сайн үйлчлээсэй хэмээн хүсч байвал, эхлээд гарын мөнгө өгөхөд буруутахгүй.

10 Гарын үсэг зурах

Зочид буудлын ажилчид, таны авч буй үйлчилгээ бүрийн дараа гарын үсэг зуруулдаг. Харин та юун дээр гарын үсэг зурж байгаагаа сайтар нягталж, нэг төлсөн төлбөрөө дахин төлөхгүйг хичээгээрэй.

11 Зочид буудлын угаалгын газраар үйлчлүүлэхээс зайлсхий

Үнэтэй хувцсаа зочид буудлын угаалгад өгөх хэрэгггүй. Тэдэнд таны хувцаснаас гадна маш олон угаах хувцас байгаа тул будаг оруулах, индүүдэж байхдаа түлэх гэх мэт алдаа гаргаж болзошгүй.

12 Зочид буудлын хөнгөлөлтийн карт

Зочид буудлаас өгч буй хөнгөлөлтийн карт бол таныг үнэтэй ресторан, дэлгүүрүүдээр оруулах өгөөш юм. Ихэндээ хөнгөлөлтийн карт нь тийм ч их хөнгөлөлтийг эдлүүлдэггүй.

13 Купон

Купон зарж байгаа газрууд ихэвчлэн хугацаа нь дуусах дөхсөн, эсвэл ганц хоёр тохиолдолд л, хүчинтэй купоныг борлуулдаг. Тиймээс та купон авах гэж байгаа бол хүчинтэй хугацаа, хэрэглэж болох тохиолдлуудыг нь сайтар нягтлаарай.

14 Зочид буудал дахь хулгай

Зочид буудлууд дотроо камертай, үйлчлүүлэгчдийн өрөөний түлхүүрийг чандлан хадгалдаг ч, хулгайн хэрэг гарах тохиолдол цөөнгүй байдаг. Тиймээс та гадуур гарахдаа буудлынхаа өрөөнд үнэ цэнэтэй зүйлсээ үлдээхээс зайлсхийгээрэй.

Та аяллаар явахаасаа өмнө эдгээр зөвлөгөөнүүдийг бодолцож үзэн, өөрийнхөө гайхалтай аяллыг бусниулахаас сэргийлээрэй!