1 Хлорын хэмжээ алдагдсан бассейны ус

Голын усыг бодвол бассейны ус илүү аюулгүй, бас цэвэрхэн мэт санагдаж болох юм. Гэвч манайд байдаг ихэнхи бассейнууд усны хлоржуулалт, цэвэрлэгээг стандартын дагуу зөв хийдэггүй аж. Бассейны усыг 10-14 хоногт бүрэн солих хэрэгтэй бөгөөд хэрэв ус гадны хүчин зүйлээс болж бохирдсон нөхцөлд, усыг яаралтай битүүмжилж хүн оруулахыг хориглодог.

Тэрчлэн өдөрт 3-4 удаа мэргэжлийн хүн зориулалтын лабораторид усны хлорын түвшинг хэмжиж, шаардлагатай нөхцөлд дариу арга хэмжээ авах ёстой байна. Хэрэв хлорын түвшин, зохих түвшинээс хэтэрсэн нөхцөлд тухайн хүний арьсаар дамжиж хордлогын шинжүүд хурцаар илрэх бөгөөд суулгах, бөөлжүүлэх зовиур илэрнэ.

2 Бохир устай гол

Ялангуяа голын усанд сэлэхээр бол тухайн ус бохирдсон эсэх, нүдэнд илэрхий харагдах бохирдол, хог, тэрчлэн усны өнгө хувирсан байгаа эсэхийг нь сайн ажаарай! Голын бохир усанд ихэвчлэн гэдэсний халдварт өвчин үүсгэх нян ихээр агуулагддаг байна.

4 Нялх хүүхэд ихтэй газар

Та нялх хүүхэд ихтэй газарт аль болох битгий ороорой. Энэ нь хүүхдэд төрөл бүрийн өвчинг халдаахаас гадна, хэрэв хүүхдийн живх голын усанд унасан бол энэ нь гэдэсний элдэв төрлийн өвчин үүсгэх эрдслийг авчирч болно.

5 Үерлэсэн, ширүүн урсгалтай гол

Хэдийгээр та усанд сайн сэлдэг байж болох ч, үер ихтэй, ширүүн урсгалтай гол руу яасан ч орж болохгүй. Маш олон залуус өөртөө хэт бардсанаас болж, үертэй гол руу орж амь насаа алдсан байдаг билээ. Ийн үерлэсэн гол хүн бүү хэл, усч хэмээгддэг амьтад хүртэл живж, амь насаа алддаг юм.

6 Олон хүнтэй газар

Олон хүнтэй гол, бассейнд орох нь мөн л маш эрсдэлтэй алхмуудын нэг юм. Ялангуяа голын усанд олуулаа орох нь бие биендээ халдварт нянг тараах, нэгнээ өвчлүүлэх сөрөг талуудтай. Учир нь ихэнхи хүмүүс голын усанд орохдоо урьдаас биеэ угааж, ариун цэврийг сахих нь цөөн байдаг байна.

Танд дээрх мэдээлэл таалагдсан бол хайртай дотны хүмүүстэй ч мөн амжиж дуулгаарай!