1 "Bob-Bob" буюу богиносгож тайрах

"Bob-Bob" үсний засалт нь урт хугацааны туршид трэнд байсаар ирсэн билээ. Та өөрийн нас, нүүрний хэлбэр болон үсний онцлогтоо тохируулан уг үс засалтаар үснийхээ хэв маягийг өөрчлөөд үзээрэй. 

2 "Pixie" буюу дагина үс засалт

Хэрвээ та шингэхэн үстэй бол уг үс засалт танд үнэхээр төгс зохицох болно. Үсээ ардаа хөвсийлгөх, эсвэл хажуу тал руугаа хагалах, духаа ил гаргах гэх мэтээр янз бүрээр засуулах боломжтой. 

3 Дэгжин харагдуулах богино үс засалт

Шингэхэн үсийг ямар ч хэлбэртэй болгож болох бөгөөд ингэснээр үсийг илүү дэгжин, загварлаг харагдуулдаг байна. Доорх зурган дээрх шиг эршүүд төрхийг илтгэсэн үс засалтыг хийлгэх ч боломжтой. Мөн хоёр талаа ахиухан авахуулж, үснийхээ дээд хэсгийг хажуу тийш самнаарай. Ингэснээр өвөрмөц төрхийг бүрдүүлэх ажээ.

4 Буржийлгасан богино үс засалт

Энэхүү үс засалт нь ямар ч эмэгтэйг гоо үзэсгэлэнтэй харагдуулж, эмэгтэйлэг төрхийг нь тодотгож өгдөг байна. Тэр тусмаа шингэхэн үстэй охид, бүсгүйчүүдэд бүр илүү тохиромжтой үс засалт юм. Мөн өдөр бүр өөртөө итгэлтэй алхах үндэс болохоос гадна, өглөө болгон үсээ арчлах гэж цаг гарздах шаардлагагүй болох юм.

5 Тэгш тайралт

Шингэхэн үстэй хүмүүсийн хамгийн түгээмэл сонголт болоод байгаа тэгш тайралт нь үсийг илүү цэвэрхэн, аятайхан харагдуулдаг ажээ. 

Үс сайхан бол зүс сайхан гэж ярьдаг. Тэгвэл үсээ сайхан харагдуулахын тулд ямар нэгэн онцгой шампунь, ангижруулагч худалдаж авахын оронд зоригтой алхам хийж, үснийхээ хэв маягийг өөрчлөөд үзэхийг танд санал болгож байна.