1
Янз бүрийн сөрөг энерги, хараалаас хүмүүс эрт үеэс айж ирсэн билээ. Хараалыг санаатай болон санаандгүй ямар ч байдлаар хийж болно. Хэн нэгэнтэй маргалдах үедээ харааж зүхсэнээс болж муу үг биелэх магадлалтай байдгийн зэрэгцээ зарим хүмүүс зориудаар тусгай зан үйл үйлдэн хараал хийдэг. Хараалд өртсөн хүн өвдөж, ажил хэрэг, хувийн амьдрал нь уруудан доошилж, бүр амиа ч алдаж болзошгүй байдаг. Даанч харамсалтай нь хэн хараасныг мэдэх боломж бараг байдаггүй. Гэхдээ сэргийлэх боломж харин байдаг ажээ.
2
Хараалын эсрэг хамгаалалт
- Хувцасныхаа дотор талд зүү хатгаж болно. Зүүний үзүүр доошоо харсан байх ёстой.
- Гартаа улаан утас зүүж болно.
- Сүм хийдэд очиж, сүсэглэн залбирч байх хэрэгтэй.
- Муу юм үүрлүүлэхгүйн тулд гэр орноо үргэлж цэвэрлэж, тогтмол ариутгаж байх хэрэгтэй. Мөн ариулсан газар тамхи татаж болдоггүйг санаарай.
3
Хараалын эсрэг хамгийн шилдэг хамгаалалт
Хамгийн шилдэг хамгаалалт бол сүсэг бишрэл юм. Хөгшид, хүүхэд гэлтгүй бүр жирэмсэн эмэгтэйчүүд ч сүсэг бишрэлтэй байлаа гээд ямар нэг сөрөг нөлөө байхгүй. Мөн хараалаас хамгаалах хамгийн найдвартай арга бол үргэлж хийдэд очиж, ном уншуулан, залбирах явдал юм.
4
Маань, мэгзэм
Та шашин шүтдэггүй байлаа ч, ямар нэг маань мэгзэм мэддэг байх хэрэгтэй. Мэдээж ямар ч шүтлэггүй бол нэг ч бурхны зүрхэн тарнийг мэддэггүй байж болно. Гэхдээ маанийн 6 үсгийг мэдэхгүй хүн ховор шүү дээ. Өөрийгөө хамгаалж байна гэж бодоод маань хааяадаа уншчихаад байхад буруудах зүйлгүй шүү дээ.
5
Гэр орны хамгаалалт
Гэрээ хамгаалах хамгийн амархан, бас хамгийн түгээмэл арга бол зул барих юм. Зулын цөгц байхгүй бол лаа асаасан ч болно. Зулын дөл гэрийн муу муухай бүхнийг үлдэн хөөж, ариутгадаг. Мөн арц, гангаар гэрээ ариулж байгаарай.
6
Биедээ байнга авч явах хамгаалалт
Та дараах аргаар өөртөө зориулан хамгаалалт хийгээрэй.
- Хийдийн ойролцоо ургадаг модны мөчрийг авна.
- Үүнийгээ жижигхэн хайрцганд хийж, дээрээс нь лааны тос гоожуулна.
- Лааны тосоо мөчрөө бүрэн далдартал гоожуулах бөгөөд дараа нь тосоо хатаагаарай.
- Ингээд үүндээ оосор хийн, зүүн гартаа зүүгээрэй.
Та дээрх аргыг ашиглан, хайртай дотны хүмүүсээ муу бүхнээс хамгаалаарай.
