Бүгд Найрамдах Хятад Ард Улс нь дэлхийд зах зээл, худалдаа үйлдвэрлэл, хөдөө аж ахуй, техник технологийн хөгжил, хүчирхэг эдийн засаг зэрэг үзүүлэлтүүдээрээ тэргүүлдэг. Энэхүү өндөрлөгт гарч чадсан тэдний нууц бол ердөө л зогсолтгүй хөдөлмөр, үнэнч тууштай шаргуу зан юм. Их сурган хүмүүжүүлэгч Күнз нэгэнтээ “Их битгий хий, бага битгий хий, харин өдөр бүр хий” хэмээн үр хойчдоо сургасан байдаг. Харин бид та бүхэндээ тус улсыг хүчирхэг болгож чадсан нууцыг дэлгэж, хүмүүсийн амьдралд асар их нөлөө үзүүлэх сургамж үгсийг дуулгая. Та эндээс нэгийг тунгаах биз ээ. 

1. Мөрөөдөлдөө хүрэх аялал ердөө л эхний алхмаас эхэлдэг. 

2. Уулзах ёстой хүмүүс хувь тавилангийн эрхээр уулздаг. Хэдий тэдний замд асар их саад тотгор тулгарсан ч эцэст нь зурсан төөргөөрөө уулзах л болно.

3. Алдаа, дутагдлыг тань тоодоггүй дайсан гэж байхад амжилтыг тань үнэлдэггүй найз гэж бий.

4. Ялалтанд хүргэх гол гүүр бол хүсэл эрмэлзлэл.

5. Амьдралын гол зорилго бол үхэлтэй нүүр тулах үед хийсэн бүтээсэн зүйлтэй, өнгөрсөндөө сэтгэл хангалуун байх явдал юм.

6. Өнгөрсөнг өнгөрсөнд нь үлдээ.

7. Зорилгодоо хүрэх гэж удаан урагшилж байгаадаа гутрах хэрэггүй. Харин нэг байрандаа хөдлөхгүй зогсож байгаа хүмүүс л зовних хэрэгтэй.

8. Туршлага гэдэг бол яг л бүх үсээ хагдарч унасны дараа сам авч байгаатай ижил зүйл юм.

9. Бусдад зарлалгүй, чимээгүй сууж өөрийгөө бэлтгэ.

10. Хүчтэй хүн саад тотгорыг даван туулдаг. Харин ухаантай хүн саад бэрхшээлийг зорилгодоо хүрэх гүүр болгодог.

11. Уур бухимдал, нулимсаар дүүрэн том цэлгэр өргөөнөөс илүү инээд хөөр цалгисан жижигхэн оромж дээр.

12. Амжилтаа бусдад бүү гайхуул. Тэд аяндаа таныг хэн болохыг мэдэж авна.

13. Солиотой хүмүүс ч тэнэг үйлдлээрээ өөрсдийгөө жаргалтай болгож чаддаг.

14. Зорилго руугаа зүтгэж явахдаа алдаа дутагдал гаргасан байлаа ч бүү гутар. Ядаж л та амжилт өөд тэмүүлсэн, зүтгэсэн болохоор урмын үгсээр өөрийгөө шагна. 

15. Хэрэв та хүлээгээд л суугаад байвал хэн нэгэн өрсөж мэднэ. Яг одоо л тэмц.

16. Аливаа зүйлсийн гэгээлэг талыг харж бай. Хэрэв танд тухайн зүйлээс ямар ч сайн сайхан тал харагдахгүй бол хайж олох хэрэгтэй. 

17. Болох ёстой зүйл болох цагтаа л болно.

18. Сэлүүрдэхгүй байгаа завийг хүчтэй салхи ч хөдөлгөдөггүй.

19. Юмыг мэдэхгүй байхаас биш сурч чадахгүй байхаас эмээ.

20. Сайн багш танд амжилтын үүдийг нээж өгдөг бол тийшээ алхаж орох эсэхийг шийдэх хүн бол зөвхөн та юм. 

21. Салхи хэдий хүчтэй салхилсан ч уулыг хөдөлгөж чадахгүй.

22. Хэрэв чи надад нэг зүйлийг хэлвэл би чамд итгэнэ. Дахин өнөөх зүйлээ ярьвал би эргэлзэж эхэлнэ. Харин түүнийгээ батлах гэж хичээвэл би чамайг худлаа ярьж байгааг мэдэх болно.

23. Танд үнэхээр авьяас байгаа бол азгүйтлээс бүү ай.

24. Ямар ч алдаа дутагдалгүй найз нөхөр гэж үгүй. Харин та тэднээс өө хайж эхэлвэл ямар ч найзгүй хоцорно. 

25. Амралтыг умартаж, ажилласаар байдаг хүн амжилтанд хүрэхгүй. 

26. Жинхэнэ суут ухаантан, хүн бүрийн хүндэтгэлийг хүлээсэн хүмүүс хэзээ ч байгуулсан гавьяа, амжилтандаа барддаггүй.

27. Аз жаргалгүй байдал, гутранги үзэл рүү орох үүд хаалга үргэлж нээлттэй байдаг.

28. Нэг зуун мянган жил бүтээсэн амжилтыг нэгхэн цагийн дотор үгүй хийх боломжтой.

29. Адилхан дэр дэрлэж унтлаа гээд адил зүүд зүүдлэнэ гэсэн үг биш. Энэ бүхэн зөвхөн таниас хамаарна.

30. Мянган өдөр сүүдэрт нуугдаж явснаас нэг өдөр наранд гялалзаж яв.

31. Хүн болгон адилхан төрдөг. Харин хэн болж төлөвшиж, юу хийж бүтээхийг та шийднэ.

32. Аялалд гарч, амьдралаас ихийг сурсан хүний үзэл бодол, сэтгэхүй огт өөр болдог. Тэд нэг ёсондоо амьдралд суралцсан байдаг. 

33. Таны хамгийн том өрсөлдөгч бол та. Үргэлж өөрийн чадварыг ахиулж, өнгөрсөн дэх өөрөөсөө илүү байх ёстой.

34. Жижиг зүйлсийг цэгцэлж, дуусгалгүйгээр том зүйлд санаархах хэрэггүй.

35. Уулын орой дээр суух эр урьд өмнө нь бүх чулууг түүж, өөрийн гараар үүнийг бүтээсэн байдгийг ухаар.

36. Ямар ч итгэлгүй үед үргэлж буруу шийдвэр гардаг.

37. Алдаа гаргасан үедээ таны ганц хийж чадах зүйл бол болсон явдлыг бодож инээж, эргэцүүлэх.

38. Гарцгүй зүйл гэж үгүй. Харин үүний арга эвийг олох нь зөвхөн таны ур чадвар, ухаанаас хамаардаг.