1
Цаг хугацааг үр бүтээлтэй өнгөрүүлдэг
Зарим хүнд ажлаа дуусгах гэхээр мянга мянган шалтаг шалтгаан гарч ирдэг. Харин хүчирхэг хүн юу хүсч байгаагаа тов тодорхой мэддэг бөгөөд хэрэггүй зүйлд цаг хугацаа үрдэггүй ажээ.
2
Өөрчлөлтийг даган хувирдаг
Амьдрал цаг хором тутамд хувирч байдаг. Гэхдээ шинэ нөхцөл байдалд дасан зохицох амаргүй байдаг шүү дээ. Ихэнх хүмүүс өөрчлөлтийг хүлээн авах дургүй, удаан хойрго ханддаг бол хүчирхэг хүмүүс цаг хугацааг даган хувирахад хэзээд бэлэн байдаг гэнэ.
3
Айдастайгаа нүүр тулдаг
Хүмүүс айдсаасаа зугтдаг бол зарим нь зөвхөн өнгөн талыг нь харж, гүн гүнзгий нэвтэрч орохоос зайлсхийдэг. Гэвч хүчирхэг хүмүүс шуудхан айдастайгаа нүүр тулж, өмнөх өөрөөсөө илүү болохыг хичээдэг билээ.
4
Алдаанаасаа суралцдаг
Хүчирхэг хүмүүс өөрийн үйлдлийг шүүмжилж, алдаагаа нуух гэж оролддоггүй. Харин ч алдаанаасаа суралцаж, илүү дээр нэгэн болохыг хичээдэг.
5
Хэн гэдгээ мэддэг
Хүчирхэг хүмүүс нөхцөл байдлаа сайтар ухамсарлаж, хэн байгаагаа, хэн болохыг хүсч байгаагаа ойлгож авсан байдаг. Тиймээс зорилодоо хүрэхийн тулд тууштай зүтгэж чаддаг ажээ.
6
Сэтгэл зүрх болон ухаан санаагаа тэнцвэртэй байлгаж чаддаг
Сэтгэл хөдлөлдөө захирагдах бус, надад ашигтай шийдвэр гэж бодох ч бус хүчирхэг хүн хоёуланг нь тэнцвэртэй байлгаж чаддаг. Шаардлагатай үед сэтгэлээ дагаж, шаардлагатай үед толгойдоо захирагдаж чаддаг байх нь зүйтэй.
7
Бусдын амжилтанд баярладаг
Хүчирхэг байхын нэгэн үндэс нь хамтын ажиллагаа юм. Бусдын амжилтыг хараад тэд хэзээ ч атаархдаггүй бөгөөд харин ч тэдэнтэй хамт чин сэтгэлээсээ баярлаж, аз жаргалыг нь хуваалцдаг билээ.
8
Үргэлж чадвараа өнгөлж зүлгэж байдаг
Ихэнх хүмүүс бусдад хүлээн зөвшөөрөгдөхийг хүсдэг бол хүчирхэг хүмүүс бусдын нүдэнд хэрхэн харагдахаа бодолгүй чаддаг зүйлээ байнга давтаж, чадвараа дээшлүүлж байдаг.
9
Шийдвэр гаргаж чаддаг
Өөрийн үнэ цэнэ, давуу талаа мэддэг бол шийдвэр гаргахад ямар ч бэрхшээл учирдаггүй ажээ.
10
Шударга
Хүчирхэг хүмүүс үргэлж өөртөө үнэнч ханддаг. Тэдний үйл хөдлөл хэл ярианаасаа хэзээ ч зөрнө гэж байдаггүй.
11
Өөрийгөө хүндэлдэг
Хүчирхэг хүмүүс өөрт байгаа зүйлээ бус өөрийгөө хүндэлдэг. Тиймээс тэдэнд ялах, ялагдах нь тийм ч чухал байдаггүй гэнэ.
12
Тэвчээртэй
Тэд үр дүнгээ үзэхийн тулд хүлээх ёстой гэдгээ мэддэг. Урт удаан хугацаа зарцуулна гэдгийг ч ойлгодог. Тэгээд ч тэвчээргүй зан сайн зүйлд хүргэдэггүйг хүн бүр мэдэх биз ээ.
13
Хариуцлагатай
Хүчирхэг байлаа гээд алдаа гаргадаггүй гэсэн үг биш. Гэхдээ хамгийн гол нь тэд алдаа гаргаж, бүтэлгүйтсэн ч, ирээдүй рүүгээ итгэл алдалгүй урагшилж чаддаг билээ.
14
Өрсөлдөх чадвартай
Бүхий л саад бэрхшээл, хүндрэлтэй асуудал тэдний хувьд ердөө л өсөн дэвжих нэг алхам. Ихэнх хүмүүс саад тотгортой тулгарахаараа сэтгэлээр унаж бухимддаг бол хүчирхэг хүмүүс дуртайяа сорилтыг хүлээн авч, нэг шат урагшилж байдаг ажээ.
15
Талархаж чаддаг
Үргэлж илүү ихийг хүсэж, шунаж байхын оронд хүчирхэг хүмүүс өөрт байгаа зүйлдээ сэтгэл хангалуун байдгийн зэрэгцээ энэ бүхэндээ талархаж чаддаг гэнэ шүү.
16
Чаддаг зүйлдээ л анхаардаг
Цаг хугацаа, хүч хөдөлмөрөө зөв хуваарилж чадсанаар хүчирхэг хүмүүс амжилтанд хүрдэг. Тэд хамгийн сайн хийдэг зүйлдээ цаг хугацаагаа зориулдаг ажээ.
17
Хөл дээрээ ямагт босч чаддаг
Бүтэлгүйтэл бол тэдний хувьд төгсгөл биш харин эхлэл юм. Тэдний сонгосон зам эцэстээ амжилтанд хүргэх болно гэдгийг тэд мэддэг, үүндээ ч итгэж явдаг билээ.
18
Аливааг бодитоор хардаг
Хүчирхэг байна гэдэг өөдрөг байхтай утга нэг. Бэрхшээл саадтай тулгарахаараа тэд аливааг сайнаар харахын зэрэгцээ үргэлж хоёр хөл дээрээ бат зогсож байдаг ажээ.
19
Дутагдлаа засч чаддаг
Хүмүүс сул дорой байдлаа нуухыг хичээдэг. Харин хүчирхэг хүмүүс дутагдалтайгаа нүүр тулахаас айдаггүй бөгөөд бүр муу талтайгаа тэмцэж, ялан дийлж чаддаг билээ.
20
Суралцахад бэлэн байдаг
Шинэ өдөр, шинэ танил, шинэ ажил. Энэ бүгд хүчирхэг хүмүүсийн нүдэнд шинийг суралцах боломж адил харагддаг. Ямар ч хатуу бэрх зүйл тохиолдлоо гэсэн хүчирхэг хүмүүс суралцахдаа үргэлж бэлэн байдаг ажээ.
21
Асуудлыг шийдэхэд үргэлж бэлэн байдаг
Та тулгарсан асуудлынхаа талаар цаг үргэлж гомдоллон, жижиг зүйлийг дэвэргээд л суугаад байж болно. Эсвэл хүчирхэг хүмүүс шиг шуудхан асуудал руугаа ханцуй шамлан орж, шийдэж болно. Таны л сонголт...
Танд эдгээр шинж чанаруудын хэд нь байдаг вэ?
