Дэлхийн мисс болохын тулд хүйсээ солиулжээ

Торонтод аль хэдийн алдартай болсон модель Амелия Малтепе (Amelia Maltepe) өөрийгөө “Дэлхийн Мисс” болно гэдэгтээ итгэлтэй байгаа гэнэ. Хамгийн гол нь тэрээр эрэгтэй байсан бөгөөд ийнхүү хүйсээ солиулж эмэгтэй болсноор Дэлхийн мисс болох зорилго тавьжээ.

Амелия Малтепе нь Бангладешт лалын шашинт гэр бүлд төрсөн бөгөөд хиймэл хөх хийлгэхийн тулд 2012 онд 8000 фунт стерлинг буюу 12,000$-ыг зарцуулсан байна. Одоо тэрээр 23 настай бөгөөд өөрийн найз залуугийн хамт амьдардаг гэнэ.

2009 онд тэрээр Торонтод ирснээр хүйсээ солиулах боломжтойгоо ойлгосон гэнэ. “Эм болон хагалгааны ачаар хүйсээ солиулах боломжтой болохыг мэдэх тэр үед би маш их баярласан” -хэмээн Амелия догдлон ярьсан юм.

Хагалгаанд орохын өмнө 2011 он.

Амелияг багад нь Адеш гэдэг байсан байна. 15 настай Адеш.

Амелия хэлэхдээ: “Дэлхийн мисс болох нь миний гол зорилго бөгөөд би төрөхдөө л буруу хүйстэй гарсан бололтой” -хэмээн ярьжээ.

Ийнхүү хүйсээ солиулснаар түүнийг зураг авалтанд дуудах болжээ. Энэ нь түүний “Дэлхийн мисс” болох гэсэн хүслийг улам өдөөсөн аж.

Харин ноднин түүний секси зурагнууд сэтгүүл дээр нийтлэгдэх болсноор олны анхаарлыг татаж, шүүмжлэлд өртөх болсон байна. “Миний талаар бичсэн сэтгэгдлүүдэд би ихээхэн гутарч байсан юм. Гэхдээ найзынхаа дэмжлэгийн ачаар энэ бол асуудал биш болохыг ойлгож өөртөө ихэд итгэлтэй болсон” -хэмээн Амилия хэлжээ. Хэдийгээр тэрээр бүрэн гүйцэд хүйсээ солиогүй ч найз залуутайгаа сайхан амьдарч байгаа гэнэ.