1
Би ажилдаа дургүй
Амжилтанд хүрсэн хүмүүсийн ягштал дагадаг хамгийн эхний зарчим бол бүгдийг эерэгээр харж, зогсолтгүй хөдөлмөрлөх юм. Хэн нэгнийг, ямар нэг зүйлийг буртуутгахаасаа өмнө хожмоо авчрах сайн үр дагаврыг нь түрүүлж харж байх хэрэгтэй аж.
2
Шударга биш байна
Өндөрлөгт гарсан хүмүүс хийсэн зүйлээ магтуулж чадаагүй байсан ч хэзээ ч гомдоллож, гоншигонодоггүй. Амьдрал шударга бус гэдгийг тэд мэддэг учраас аливаад буурь суурьтай хандаж чаддаг байна.
3
Болохгүй
Өөрчлөлтөд бэлэн байх нь амжилтын гол түлхүүр юм. Хичнээн хурдан шинэ зүйлд дасч, хүлээж авна, төдий чинээгээр таны амьдрал сайн тал руугаа өөрчлөгдөж, аз завшааныг шүүрэн авах юм.
4
Миний ажил биш
Жинхэнэ амжилтанд хүрэх хүмүүс хэзээ ч хамтран ажиллагсадаа доош татаж, дарах гэж оролддоггүй. Харин ч эсрэгээрээ тусламжийн гараа сунгахад үргэлж бэлэн байдаг. Багаар ажиллар чадвар бол найрсаг, нөхөрсөг хүний шинж бөгөөд амжилтанд илүү хурдан хүрэх арга мөн гэдгийг тэд мэддэг ажээ.
5
Боломжгүй
Ажил дээр үүссэн аливаа бэрхшээлийг саад тотгор гэж харах бус туршлага үлдээх сорилт гэж харах нь зүйтэй. Ингэж чадвал таны өмнө гарц өөрөө нээгдэнэ гэдэгт итгээрэй.
6
Өөрөөр хийдэг байж
Дааж авсан маш чухал ажлаа та биелүүлж чадаагүй байж болно. Гэхдээ ингэлээ гээд харамсаж, өөрийгөө өрөвдөн, хайран цагаа үрэх хэрэггүй. Өнгөрсний төлөө өөрийгөө зэмлэж суухын оронд алдаанаасаа суралцаж, дахин ийм алдаа гаргахгүй болсон туршлагандаа талархан ажлаа урам зоригтойгоор хийх хэрэгтэй.
7
Сонголт алга
Боломж үргэлж нээлттэй байдаг. Хаалга хаагдсан ч, цонх нээлттэй байдаг шүү дээ. Харин амжилттай яваа хүмүүс үргэлж шинийг эрэлхийлэн, өөрийн гэсэн үүд хаалгыг нээж чаддаг байна.
