Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Гал тогоонд хамгийн өргөн хэрэглэгддэг бүтээгдэхүүн бол давс юм. Гэхдээ түүнийг хоол хүнс хийхэд хэрэглэхээс гадна ахуйн хэрэглээнд ашиглаж болно гэдгийг хүн болгон мэддэггүй. Ингээд давсыг өөр зорилгоор, хэрхэн ашиглаж болохыг мэдэж авцгаая.
Ямар ч өнгөрийг нунтаг давсаар хурдан арилгаж болно. Цаас эсвэл сонин дэлгээд дээр нь давс цацаж индүүгээ халаан тойрог хэлбэрээр индүүдэж гадаргууг цэвэрлэнэ. Ингээд таны индүү шинэ юм шиг болно.
Хайруулын тавган дээрх тос асч гал гарав уу? Бүү цочирд! Хэдхэн хормын дотор л галыг намжааж болно. Нунтаг давсыг ахиухан цацаарай.
Давсны тусламжтайгаар аяга таваг угаагч порлоныг та амархан цэвэрлэж болно. 1,5-2 аяга усанд давс хийгээд, уг уусмалдаа порлоноо хийгээд хонуулна. Өглөө та цэвэрхэн болсон порлоныг харах болно.
Таны ванн шарлаж өнгө алдсан байна уу? Тэгвэл “давсны” аргаа хэрэглэцгээ! Скипидар (эфирийн) тосыг давстай холино. Тостой давсаа порлон дээр тавиад ваннаа цэвэрлэнэ, үлдэгдлийг шүршүүрээр сайтар угаана.
Таны угаалтуур болон ванн битүүрээд хэцүү байна уу? Тэгвэл хоолойг нь цэвэрлэцгээе. Аяга хүнсний соодон дээр аяганы дөрвөний нэг давс хийж холиод хоолой руу алгуур гоожуулна. Дээрээс нь хагас аяга уксус (цуу) хийгээд 15 минутын дараа буцалсан ус хийнэ. Ингээд л боллоо!
Мэдээж хэрэг, давсны гайхалтай чанарын талаарх мэдээлэл үүгээр хязгаарлагдахгүй билээ. Гэхдээ эдгээр 5 зөвлөмж таны амьдрал ахуйд хэрэг болно гэдэгт итгэж байна.
