1 Вэйнсийн ах дүүс (The Wayans Bros) - "White Chicks"

Ах дүү цагдаа нар үүрэг даалгавар хүлээн авч, хэргийг илрүүлэхээр холын хол, хүнд замд гарах болно. Гэхдээ ажиллагааг гүйцэтгэхийн тулд тэд эмэгтэй хүний дүрд хувирах шаардлагатай болж, өсгийтэй гутал өмсөн, өрсөлдөгчөө нам дарах гэж адал явдлыг эрэлхийлэх аж. Элэг хөшөөм зугаатай тус кино нь кино шүүмжлэгч нараас өндөр үнэлгээ хүртсэн байдаг билээ. 

2 Адам Сэндлер (Adam Sandler) - "Jack and Jill"

Нэрт жүжигчин Адам олон гайхалтай уран бүтээлээр өөрийн ур чадварыг харуулаад амжсан нэгэн билээ. Харин тэрээр 2011 онд ихэр эгч дүүсийн дүрийг давхар бүтээж, эсрэг хүйстнийхээ дүрд чадварлаг тоглосон байна. Тус уран бүтээлд ихэр эгч дүүс амралтын өдрүүдээр хамт байхаар тохиролцож, галзуу мэт ааштай ихэр эгч нь дүүгийндээ зочлон ирэх аж. Харин энэ бүхэнд дүү нь тун ч дургүй байсан бөгөөд эцсийн эцэст өөрийн тэнэглэлээ ухаарч, хүйн холбоо гэж ямар агуу болохыг ойлгодог юм. Энэхүү бүтээлийг инээдмийн гэхээсээ илүүтэй ухаарал хайрлам, сайхан уран бүтээл хэмээн тодорхойлж болох байна.

3 Виллем Дефо (Willem Dafoe)- "The Boondock Saints"

"Хүн аалз" киноны эсрэг талын "Green Goblin"-гийн дүрээр бидний сайн танил болсон жүжигчин эр нь "The Boondock Saints" гэх кинонд эмэгтэй хүний дүрийг бүтээсэн байна. Тэрээр Холбооны мөрдөх товчооны ажилтан байх авч ажиллагаа хүлээж аван эмэгтэй дүрд хувирдаг аж. 

4 Жаред Лето (Jared Leto)- "Dallas Buyers Club"

2013 онд нэр дуучин, жүжигчин Жаред Лето "Dallas Buyers Club" киноны туслах дүрийг бүтээхээр болсон юм. Харин түүнийг хэт тарган байна, дүрээ гайхалтай бүтээхийн тулд турах шаардлагатай хэмээсэн аж. Тэрээр 13 кг хасч, биеийнхээ бүх үсийг ваксдуулсан төдийгүй хөмсгөө хүртэл хусуулсан байна. Түүний бүтээх дүр нь трансжендер залуу байсан бөгөөд тэрээр яг л эмэгтэй хүн шиг харагдаж чадсан аж. Ямартай ч тэрээр хийсэн бүтээснээ үнэлүүлж, Оскарын шилдэг туслах эрэгтэй дүрийн шагналыг хүртсэн юм.

5 Дастин Хоффман (Dustin Hoffman)- "Tootsie"

"Tootsie" киног үзсэн хэн ч жүжигчин Дастины бүтээсэн бүсгүйн дүрийг хараад эр хүн гэж таамаглаж чадахгүй. Тэрээр бүсгүй хүний дүрийг төгс бүтээсэн бөгөөд кино шүүмжлэгчдэд хүртэл энэ чинь эр билүү, эм билүү гэх эргэлзээг төрүүлж орхисон гэдэг. Тус бүтээл нь 1982 онд дэлгэцнээ гарсан бөгөөд Оскарын 10 номинацид нэр дэвшиж байсан аж. Энэ нь тухайн бүтээлийг чансаа, жүжигчидийн ур чадварыг хэр өндөр байсныг харуулж өгнө. 

6 Мартин Лоуренс (Martin Lawrence)- "Big Momma’s House"

Холбооны мөрдөх товчооны ажилтан гэмт хэрэгтэнг барихаар эмэгтэй хүний дүрд хувирч, хөгжилтэй адал явдалтай учирснаар үйл явдал өрнөдөг юм. Нэрт жүжигчин эр тус дүрийг тун  чадварлаг бүтээсэн бөгөөд түүний эмэгтэй дүр нь хамгийн ихээр олны таашаалд нийцэж, хүн бүхэнд танигдсан байдаг юм.

7 Эдди Мерфи (Eddie Murphy)- " The Nutty Professor"

1996 онд нээлтээ хийсэн "The Nutty Professor" кинонд алдарт жүжигчин Эдди Мөрфи нийтдээ 6 дүрийг бүтээсэн байдаг юм. Үүний 4 нь эрэгтэй, харин 2 нь эмэгтэй дүр байсан бөгөөд тэр өөрийн гаргасан дүр төрх бүрээ ялгаж, яг л өөр хүмүүс мэт харагдуулж чадаж байсан гайхалтай авьяастай нэгэн билээ. Түүний эдгээр дүрүүд нь бүгд л өндөр үнэлгээ авч байсан эмэгтэй дүр бүтээсэн нь олны анхаарлыг ихээр татаж байсан аж. 

8 Кейт Бланшетт (Cate Blanchett)- "I’m Not There"

Нэрт жүжигчин бүсгүй үзэсгэлэнт төрх, халуухан байдлаараа алдартай билээ. Харин тэрээр 2007 онд "I’m Not There" кинонд эр хүний дүрийг тун ч чадварлаг бүтээж, олон нийт болоод кино шүүмжлэгч нараас онц гэх үнэлгээг хүртсэн юм. Эмэгтэй хүн атал эр хүний дүрийг ингэж гайхалтай гаргасан эр зориг, тэвчээрийг хүн бүхэн магтан сайшааж байсан билээ. 

9 Хьюго Вивинг (Hugo Weaving)- "Cloud Atlas"

Авьяас чадвар нь ундарсан, алдар нэрт жүжигчин Хьюго "Cloud Atlas" кинонд олон дүрийг бүтээсний нэг нь эмэгтэй сувилагч байв. Хүн бүхэн л түүнийг дүрээ төгс амилуулж чаддаг гэдгийг мэдэх боловч эсрэг хүйстэнийхээ дүрийг хэрхэн бүтээх нь хүн бүрийн сонирхлыг татаад байсан аж. Харин кино дэлгэцэнд гармагц л Хьюгогын гайхалтай жүжиглэлтийг хүн бүхэн ам уралдан магтаж байсан нь саяхан мэт л санагдана. 

10 Жонни Депп (Johnny Depp)- "Before Night Falls"

Жонни Деппийг танихгүй, түүний гайхалтай уран бүтээлүүдийг үзэж байгаагүй хүн гэж үгүй юм. Тэрээр 2000 онд тус уран бүтээлд Бон бон гэх гей залуугийн дүрийг бүтээж, кино урлагийн ертөнцөд шуугиан тарьж байсан билээ. Түүний хөлийн улнаас, үсний үзүүр хүртэл яг л бүсгүй хүн харагдаж байсан аж. Хэрэв та тус киног үзэж амжаагүй бол амралтын өдрүүдээр цаг гарган, тухлан үзэхийг зөвлөе. 

11 Киллиан Мерфи (Cillian Murphy)- "Breakfast on Pluto"

Тэрээр маш олон кинонд дүрээ мөнхөлж явсан түүнийг хамгийн ихээр олонд таниулсан дүр бол "Breakfast on Pluto" киноны Патрика Киттен Брэден (Patricia “Kitten” Braden) гэх трансжендер залуу юм. Тэрээр угтаа бол нэлээдгүй эршүүд царай төрхтэй, байгаа байдал, дуу хоолой гээд л бүх зүйл нь хахир хатуу харагддаг атал тус кинонд тэс өөр нэгэн болж хувирч чадсан байна. 2005 онд дэлгэцнээ гарсан тус бүтээл нь хүн бүрийг алмайруулж орхисон төдийгүй Киллиан Мөрфи тус дүрээрээ Оскарын наадмаас Инээдмийн кино, музикалын шилдэг жүжигчин гэх шагналыг хүртсэн байна. 

12 Эдди Рэйдман (Eddie Redmayne)- "Danish girl"

Өнгөрөгч 2015 онд нээлтээ сүр дуулиантай хийсэн "Danish girl" киноны трансжендер залуугийн дүрийг хүн бүхний сайн танил, чадварлаг жүжигчин Эдди Рэйдман бүтээсэн билээ. Тэрээр олон уран бүтээлд тоглон, өөрийн авьяас чадвараа нийтэд таниулсан боловч тус бүтээл нь Эддиг дахин нэг өөр өнцгөөс харах боломжыг үзэгчдэд олгосон юм. Эдди Рэйдман тус дүрээрээ Оскарын наадамд нэр дэвшсэн боловч харамсалтай нь шагналын эзэн болж чадаагүй билээ. 

13