1
"The Avengers"
Марвел кино компанийн комикс цувралын баатар Хавкэеэ (Hawkeye) буюу та бидний сайн мэдэх харваачын дүрд, Холливуудын алдарт жүжигчин Жереми Реннер (Jeremy Renner) чадварлаг тоглодог. Түүний дүр нь харвах чадвараас гадна, зодооны урлаг техникийг маш ихээр шаарддаг. Тиймдээ ч "The Avengers" киноны үеэр, жүжигчин эр асар их бэлтгэл сургуулилт, харвах техникт суралцсан гэдэг. Кинонд, дэлхийг аюулаас аврахын тулд баатрууд харваач эрийн тусламжийг хүссэнээр үйл явдал илүү сонирхолтой болдог билээ.
2
"Dark Knight"
"Харанхуйн хүлэг баатар" киноны бас нэгэн чимхлүүр, гайхалтай дүрүүдийн нэг бол Харви (Harvey)-ийн дүр билээ. Бид бүхэн түүний түлэгдэж, гэмтсэн нүүрийг мэргэжлийн нүүр хувиргагчдийн бүтээл хэмээн санаж явсан бол үгүй байжээ. Түүний царайг компьютер, графикийн тусламжтай ийнхүү өөрчилсөн байна. Тус кино нээлтээ хийсэн даруйдаа ашиг орлогоороо тэргүүлж байсан билээ.
3
"Avengers: Age of Ultron"
Өнөө үед компьютер, график л байхад хүнд жигүүр ургуулж, тэнгэр өөд дүүлэн нисэх, тэрчлэн ид шидийн мэт ур чадварыг хормын дотор бүтээдэг болсон. Гэвч бүх кинонд түүнийг ашигладаггүй ажээ. Тэд боломжтой гэж үзсэн үедээ баатрыг хувиргах, аливаа хувцас, нүүр будаг, туслах хэрэгслээр гайхамшгийг бүтээх болсон. Түүний тод жишээ бол "Avengers: Age of Ultron" киноны Вишион (Vishion)-ний дүр юм. Түүний дүрд, алдартай жүжигчин Пол Беттани (Paul Bettany) тоглосон билээ. Дүр хувиргалт, гадаад байдлыг харвал яг л компьютер, график ашигласан мэт харагдаж байгаа биз?
4
"The Dark Knight"
Тус киноны хамгийн эхний зураг авалт бол банк дээрэмдэх хэсэг байв. Хорон санаат Жокерын багийнхан Готамын банк руу нэвтэрч, дээрэмддэг. Учир нь тус газар гэмт хэрэг, дээрмээрээ алдартай ажээ. Тиймээс л зургийн багийнхан түүнийг сонгосон хэрэг. Ганцхан тэр л зураг авалтыг хийхийн тулд 2 найруулагч хамтарч, жүжигчдэд нэг бүрчлэн зааварчилгаа өгөн, дэндүү няхуур ажилласан байна. Тиймээс л үзэгчдийн зүрх сэтгэлд хүрч чадсан, шилдэг бүтээлийн нэг болсон гэдэг нь эргэлзээгүй.
5
"X-Men: Apocalypse"
"X-Men: Apocalypse" киноны Жин Грей (Jean Grey)-ийн дүр бол хамгийн чухал, хүчирхэг дүрүүдийн нэг байсаар ирсэн. Анги бүрд сонирхолтой адал явдал, шинэ зураг авалтууд хийгддэг түүний дүрд залуу жүжигчин Софи Тернер (Sophie Turner) тоглосон байдаг. Тэрээр дүрдээ ороход хүндрэлтэй, хэцүүхэн байсан учир, ихэнхи зураг авалтыг ганцаараа хийлгэж, кинотойгоо холбуулжээ. Холливуудын ертөнцөд болохгүй, бүтэхгүй, хүрч чадахгүй зүйл гэж үгүй гэдгийг үүнээс харж болно.
6
"Thor"
"Thor" кинонд ер бусын сансар огторгуйн үзэгдэл, бидний төсөөлж ч чадамгүй гайхалтай газрыг дүрсэлсэн байдаг. Тиймдээ ч тэрхүү гайхамшгийг бодит ертөнцөд буулгана гэдэг боломжгүй. Харин компьютер графикийн тусламжтай хийж болохгүй зүйл гэж үгүйн жишгээр тус киноны нисдэг, мөн олон гайхалтай зураг авалтыг ногоон дэвсгэрийн урд, тусгай студид авсан байна.
7
"Wonder Woman"
"DC comics" цувралын баатар, гоо үзэсгэлэн, хүч чадлыг хослуулсан Wonder Woman-ны дүрд Израилийн жүжигчин Гал Гадот (Gal Gadot) тоглосон билээ. Тэрээр тус кинонд тоглохоосоо өмнө зодооны техник, арга барилын талаар ямар ч ойлголтгүй байсан бөгөөд дүрдээ орох, мөн чанарыг нь сайтар гаргахын тулд мэргэжлийн дасгалжуулагч хөлсөлж, хамтран ажилласан ажээ.
8
"Deadpool"
Хөгжилтэй, дайчин, дурлалдаа үнэнч "Deadpool"-ийн дүрийг гаргахад, жүжигчнээс асар их ур чадварыг шаардах нь дамжиггүй юм. Учир нь тэрээр цор ганц супер баатар (яг үнэндээ Anti-hero) бус алиа хошин зан, дурлалт залуугийн дотоод сэтгэлийг ч мөн чадварлаг үзүүлэх шаардлагатай шүү дээ. Түүний дүрийг Холливуудын царайлаг залуу Райан Рейнольдс (Ryan Reynolds) үнэхээр чадамгай гаргаж чадсан. Дүрдээ орохын тулд хэдэн сарын турш сургуулилт хийж, мэргэжлийн тусламжийг хүртэл авсан байна.
9
"Iron Man"
Алдарт жүжигчин Роберт Дауни (Robert Downey)-д Төмөр хүний дүр маш их алдар нэр, эд баялаг, гайхалтай карьерыг авчирсан. Магадгүй түүнийг тус кинонд тоглохоос өмнө залуус төдийлөн сайн мэддэггүй байсан болов уу. Гэвч өнөөдөр түүнийг сая сая залуус шүтэн биширч байна. Энэ мэдээж дүрээ гайхалтай сайхан амьдруулсны ач шүү дээ. Тони Старк (Tony Stark)-ийгн дүрийг гаргахад хэцүү байгаагүй ч, өмсгөл дуулгыг бүтээхэд багагүй хүндрэл тулгарсан гэжээ. Тус робот өмсгөл технологийн хувьслыг авчирч чадсан юм.
10
"Spider-Man"
"Хүн аалз" киног мэдэхгүй хүүхэд багачууд гэж үгүй билээ. Хүн бүрийн зүрх сэтгэлд хүрч чадсан, хүүхэд багачуудын баатар болох хүслыг өдөөсөн гайхалтай бүтээлийн нэг юм. Киноны дүрийг амилуулна, бүтээнэ гэдэг маш хэцүү. Учир нь хүн аалзын дүр нь энгийн хүний чадвараас хол зөрсөн хөдөлгөөн, арга барилуудтай байдаг. Тус киноны шинэ анги болох "The Amazing Spider-Man"-д, залуу жүжигчин Эндрю Гарфилд (Andrew Garfield) тоглосон бөгөөд тэрээр хүнд хэцүү зураг авалтуудад орлон тоглогчийн тусламжтай ажиллажээ.
11
"Superman"
Өдгөө маш олон залуус Супермэн болох гэсэн хүсэлдээ автан, гадаад төрх, стиль имижээ өөрчилж байна. Энэ ч тухайн кино хэр олон хүнд хүрсэн болох нь харагдаж байгаа юм. "Man of Steel" кинонд жүжигчин Хенри Кавилл (Henry Cavill) дүр бүтээсэн байдаг. Тэрээр дүрдээ орохын тулд найруулагч нартайгаа сайтар хамтран ажиллаж, бүхнийг хянаж байсан гэдэг.
12
"Batman"
Харанхуйг эзэгнэгч хүлэг баатрын анхны дүрийг жүжигчин Майкл Китон (Michael Keaton), гайхалтай чадварлаг гаргаж ирсэн. Магадгүй түүнийг үзсэн хүүхэд багачууд хэсэгтээ л өмсгөл, дүр төрхийг нь дуурайхыг хичээсэн биз ээ. Түүнээс хойш олон жүжигчид тус дүр дээр ажилласан байдаг. Жүжигчин эр киноны туршид найруулагч нартай сайтар зөвлөлдөж, бүхий л зүйлсээ ярилцсаны үндсэнд кино шилдэг болсон юм.
