Узбекстаны гүнж гэгдээд буй эл бүсгүй өөрийн тансаг хувцас, амьдралын хэв маягаараа залуухан олигархуудын эгнээг нэмээд буй юм. Түүний энэ тулсан тансаг цамаан байдлыг харсан хүмүүс муулах  нь муулж, шүтэн бишрэх нь ч биширч байдаг гэнэ. 

Ямартай ч түүний өмсдөг ганган хээнцэр хувцас, даашинз тус бүр ойролцоогоор 5000 долларт хүрнэ. Тэрээр хэзээд хувцас загварт дуртай бөгөөд түүндээ тулгуурлан Москвад өөрийн шинэ хүүхдийн хувцасны дэлгүүрийг нээсэн аж. Тэрхүү дэлгүүр нь мэдээж, жирийн иргэдэд дэндүү ахадсан, босго өндөртэй, өртөг ихтэй бараанууд зонхилно.

Тэрээр охиноо яг л өөр шигээ дэгжин, ихэмсэг байлгахыг хүсдэг гэв. Тиймээс ч түүний эл дэлгүүрт яг л том хүний хувцас шиг загвартай, түүний урласан дэгжин загварлаг хүүхдийн хувцаснууд байдаг аж.

Диорагийн хувьд тэрээр амралт чөлөөт цөлөөт цагаа гэр бүлтэйгээ аялж, цагийг хөгжилтэй өнгөрүүлэх дуртай ажээ. Түүний бяцхан охиныг Мэрияам (Mariyam) гэдэг бөгөөд Диора өөрийн охины зургийг Инстаграм хуудсандаа байрлуулж, хэдийн 129 мянган дагагчтай болгосон байна. Элит бүсгүйн хүүхэд болохоор аргагүй нэр хүндтэй байгаа биз? Тэрээр өөрийн цахим хуудсандаа үргэлж, ганган даашинз, хувцастай зургууд, тансаг аяллууд, охиныхоо өхөөрдөм зургуудыг хийдэг байна.

Бяцхан Мэриям өдгөө ээжээсээ дутахгүй эрэлт хэрэгцээтэй байгаа гэнэ. Учир нь түүний өхөөрдөм төрхийг сурталчилгаа, брэндийн нүүр царай болгох хүсэлтүүд тасардаггүй. Диорагийн эцэг, Узбекстан улсын ерөнхий сайд Шавкат Мирзияев (Shavkat Mirziyoyev) өдгөө 58 настай ажээ.

Бүсгүй өөрийн цахим хуудастаа, “Би Парист байх хугацаандаа үнэхээр их уйдсан. Тэнд үнэндээ үзэж хараад, хийгээд байх зүйлгүй юм билээ.  Москва л хамгийн шилдэг нь” гэсэн байна. Түүний эл сэтгэгдлийн доор хүмүүс “Ямар цамаан юм бэ?” “Гайхуулаад байгаа юм уу хаашаа юм” гэхчилэн сэтгэгдлийг үлдээж, зарим нэг нь “Тэр ч тийм шүү”, “Москва хамгийн шилдэг нь” хэмээн түүний бодлыг дэмжсэн байна.

Өдгөө ээж охин хоёр олны анхаарлыг эрхгүй татаж байгаа бөгөөд, тэдний хайр татам, өхөөрдөм, үзэсгэлэнтэй зургууд цахим ертөнцийг эзэгнэнэ.

4 настай бяцхан охин ээж шигээ загварын мэдрэмжтэйн дээр, тэрээр бүр бүхэл бүтэн хувийн зурагчинтай гэнэ. Тэдний амьдралд цахим ертөнц томоохон байрыг эзэлдэг бололтой шүү.

Одоогоор ээж охин хоёр бүхий л цаг хугацааг хамтдаа өнгөрүүлж байгаа бөгөөд тэрээр охиноо ганцаардуулахгүйн тулд түүнд хүссэн бүхнийг нь хийж өгөхийг хүсдэг гэв. Түүнчлэн хөрөнгө мөнгөтэй, баян хүмүүсийн хувьд хүүхдээ зөв хүмүүжүүлнэ гэдэг маш асуудалтай учраас, Диора өөрийн охиныг аль болох ухаалаг, боловсролтой хүн болгохыг хичээдэг ажээ.

Түүний нөхрийг Бабур Усманов (Babur Usmanov) гэдэг бөгөөд 2013 оны 5-р сард харамсалтайгаар авто машины ослоор нас барсан байна. Нөхрийнх нь үхэл түүнд маш хүндээр туссан нь ойлгомжтой. Тиймээс ч тэрээр охиноо ганцаардуулж, эцгээ үгүйлэн санаж, бэтгэрхээс нь сэргийлж, охиныхоо сайн найз, сайн багш байхыг хүсдэг гэнэ.

Бүсгүйн шинэ бизнест охиных нь үүрэг оролцоо мэдрэмж, маш чухал байдаг учир, үргэлж л охинтойгоо хамтарч ажилладаг гэжээ. 

Диора нөхрийнхөө үхэлд маш ихээр шаналсан нь мэдээжийн хэрэг. Узбекийн ард иргэд ч гэсэн хэтэрхий залуугаараа харамсалтайгаар хорвоог орхисон чадварлаг бизнесмэн залууд эмгэнэл илэрхийлж байв. Түүний нөхрийг Диорагаас өөр бүсгүйтэй болзож яваад, осолд орсон тухай мэдээлэл ч байдаг. Гэвч түүнийг нь батлах гэрэл зураг олон нийтэд цацагдаагүй бөгөөд Диора ч энэ тухай албан ёсны тайлбар огт хийгээгүй юм. 

Тэрхүү аймшигт ослоос хойш, Диора бүхий л анхаарлаа охиндоо ажилдаа зориулах болсо аж. Түүний зохиосон загварууд үнэхээр тансаг, сонгодог бөгөөд эцэг эхчүүдийн дунд эрэлт хэрэгцээ ихтэй байгаа гэнэ.

Ингээд та бүхэн үзэсгэлэнтэй бүсгүйн гайхалтай гэрэл зургуудыг хүлээн авна уу.