1. Биеийн тамир
Нойр хүрээд, бие тань сулраад байвал дороо үсрэх, сунгалтын дасгал хийх 10 минут дээс тоглоод үзээрэй.  15 минут алхахад 2 цаг ажил хийх эрч хүч хүний биед хуримтлагддагийг судлаачид  тогтоосон байна.  



2. Сэрүүн орчин
Халуун орчинд байвал бүр л нозоорч, нойр хүрч эхэлдэг. Тэгэхгүйн тулд цонхоо онгойлгож цэвэр агаар оруулаад, тийм боломж байхгүй бол агаар цэвэршүүлэгч юм уу сэнс тавиарай.




3. Гаатай бохь зажиллах
Гаандаа гол нь биш, харин зажиллахад учир байгаа юм. Бохь зажиллахад тархины үйл ажиллагаа идэвхиждэг байна. Тэгэхээр гаатай бохь зажиллавал бүр л сэргэнэ гэсэн үг.

4. Хүйтэн ус
Хүйтэн усаар бугуй, хүзүү болон чихнийхээ арыг норго. Нойр сэргэж, толгойны өвдөлт намдана.



5. Хэт цатгалтахаас сэргийл
Хүнд хоол идэх, эсвэл гэдсээ дүртэл “чихэх” зэрэг нь нэгдүгээрт таргалах, хоёрдугаарт нозоорох үндсэн нөхцөл болдог. Ажлаа яаралтай дуусгах хэрэгтэй байгаа бол байгаагийн хэрээр идэхгүй байхыг зөвлөе.



6. Хөгжим
Төгөлдөр хуурын аяз, намуухан дууны талаар яриагүй юм шүү. Харин цоглог нүргээнт хэмнэлтэй хөгжим сонсоорой. Танд санал болгох хамтлаг дуучид: Avril Lavigne, Muse, Avicii, Disclosure, Sigma...



7. Гэрэлтүүлэг
Бүдэг гэрэлтэй орчинд удаан хугацаагаар ажиллана гэж саналтгүй шүү. Болж өгвөл нарны болон тасалгааны хангалттай гэрэлтэй орчинд суугаарай.



8. Массаж
Толгой, шилэн хүзүү, чихний ар, тахим, эрхий болон долоовор хурууныхаа голд иллэг хийгээрэй. Цусны эргэлтийг сайжруулж, биеийг сэргээх болно.



9. Хатуу сандал
Буйдан, ор, зөөлөн сандал зэрэг дээр суувал тохилог зөөлөн учраас нойрыг тань хүргэж мэднэ.



10. Кофе уугаад дугхий
Хоёр эсрэг тэсрэг зүйлийг нэг дор хийж байгаа ч яг үнэндээ кофены каффейн ууснаас хойш 20 минутын дараа нөлөөлдөг юм. Тиймээс кофегоо уугаад 15 минут дугхийчихсэн байхад сэргэлэн цовоо босч ирнэ.