Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. Дэлгэцтэй кофены аяга — Muki
"Paulig Muki" нь E-Ink (нүдний хараанд муугаар нөлөөлдөггүй сонингийн цаас мэт харагддаг) суурилуулсан дэлгэцтэй бөгөөд өдөр бүр төрөл бүрийн сурталчилгаа харагдах ажээ. Мөн халуун кофе хийх үед дэлгэцний зураг өөрчлөгддөг байна.
2. Бяцхан кофе чанагч — Minipresso
"Minipresso" бол хаана ч байсан халуун кофе уух боломжийг танд бүрдүүлэх бяцхан кофе чанагч юм. Гадаад төрхийг нь харвал энгийн халуун сав мэт харагдаж байгаа ч, 363 грамм жинтэй ажээ. Энэхүү бяцхан төхөөрөмж 39 долларын үнэтэй худалдаалагдаж байна.
3. Ухаалаг хайруулын таваг — Pantelligent
Хийж буй хоол тань түлэгдэх вий хэмээн санаа зовох хэрэггүй боллоо. Энэ хайруулын таваг нь ОС, IOS-ийн тусламжтайгаар гар утастай холбогдож мэдээлэл өгдөг байна. Уг загварын гол онцлог нь утсаараа дамжуулан шарах халууны хэмжээг тохируулж болдог ажээ.
4. Дарсны амтыг нэмэгч — Sonic Decanter
Инженер болон дарс цуглуулагч Чарльз Леонард хэмээх залуу "Sonic Decanter" гэх нэртэй нэгэн төхөөрөмжийг бүтээжээ. Энэ төхөөрөмж нь дарсны амтыг нэмэгдүүлж, температурыг нэг хэвэнд байлгах чадвартай юм байна.
5. Нарны эрчим хүчээр ажилладаг грилл — Gosun
"GoSun" нь нүүрс, цахилгаан, мод ашиглахгүйгээр амтат хоол хийх боломжтой грилл юм. Нарны шууд тусгалаар ажилладаг бөгөөд ямар ч төрлийн хоолыг хийж болох ажээ.
6. Олон үйлдэлт битүү чанагч — Crock-Pot
"Croc
Pot Wemo Smart Cooker" энэхүү ухаалаг төхөөрөмж төрөл бүрийн
гажетуудтай холбогдох бөгөөд Wi-Fi-ийн тусламжтайгаар удирдаж болох юм
байна. Мөн ОС, IOS болон Android үйлдлийн системтэй холбогддог ажээ.
Харин үнийн хувьд 500 доллараар зарагдах юм байна.
7. Цэнэглэдэг ариутгагч — Verilux
"Verilux CleanWave" ариутгагч нь эзнийхээ бүхий л эд зүйлсийг нян болон жижиг шавжнаас ангижруулж чадах гэнэ. Энэ төхөөрөмжийн тусламжтайгаар гутал, хувцасны нянг 90% устгах боломжтой юм байна.
