Харилцаа холбоо, мэдээллийн салбарынханг нэгэн дээвэр дор нэгтгэсэн уг арга хэмжээ энэ жил “Дэвшилтэт технологи-Ухаалаг хэрэглээ” уриан дор зохион байгуулагдаж байгаа юм байна. Тус үзэсгэлэнд нийтдээ хувийн хэвшлийн 57 компани, төрийн 13 байгууллага оролцож өөрсдийн бүтээгдэхүүн, үйлчилгээг олон нийтэд сурталчилж байгаа бөгөөд Ерөнхий ивээн тэтгэгчээр 15 жилийнхээ ойг хэрэглэгчидтэйгээ хамт тэмдэглэж байгаа “Скайтел” групп ажиллажээ.

Өдгөө 15 жилийнхээ ойтой золгож байгаа “Скайтел”-ын хамт олон 2010 онд 100 хувь   үндэсний хөрөнгө оруулалттай компани болж,  2012 онд Бизнесийн групп болон үйл ажиллагаагаа өргөжүүлжээ. Одоогоос хэдхэн жилийн өмнө үүд хаалгаа нээж байсан “Sky media” компани Скайтел группын охин компаниудын нэг. Үүнийг тодотгохын учир нь 3D болон HD сувгууд, мөн хэт өндөр хурдны шилэн кабелийн интернэт, шинэ үеийн суурин утсыг  нэг дор нэгтгэж, гурвалсан үйлчилгээг үзүүлж байгаа “Skymedia”-гийн хамт олон “ICT-EXPO-2014” үзэсгэлэнгийн үеэр олны анхаарлыг татсан сонирхолтой, дэвшилтэт технологи дээр суурилсан бүтээгдэхүүн үйлчилгээг танилцуулж байсан юм.

Гар утсанд зориулж бүтээсэн зураг, тоглоом, дуу, ном зэрэг олон төрлийн бүтээгдэхүүнийг энэ дэлгүүрээр худалдаална. Хэрэглэгчид гар утасныхаа нэгжээр, эсвэл банкныхаа данснаас мөнгөө төлөөд хүссэн дуу, тоглоом зэрэг апплекейшныг худалдан авч, гар утсандаа татах боломжтой болж байгаа юм. Тэдний энэ цахим дэлгүүр Монголын программ хангамж хөгжүүлэгч залуусын хувьд ч том боломж олгож байгаа гэнэ. Тэд хийж бүтээсэн зүйлээ үнэлж, зарж, бас бусдынхаа хийсэн бүтээлтэй танилцаж, эндээс орлого олох боломжтой. MAPPS цахим дэлгүүрт өөрийнхөө хийсэн бүтээлийг борлуулах сонирхолтой олон хүмүүс байгаа гэнэ. Тэдний нэг Мөнхөө хэмээх залуугийн хийсэн “Хайруул” нэртэй гар утасны тоглоомыг хүмүүс багагүй сонирхож байсан. Монгол залуугийн хийсэн “Хайруул” хэмээх энэ тоглоомыг татаж авах үнэ нь 1000 төгрөг аж. Үүнээс гадна хэрэглэгчид ч гэсэн энэ дэлгүүрээс аплейкшнууд татаж авах сонирхолтой байгаа гэнэ. Валютын дансаар төлбөр тооцоо хийж байж авдаг, бүсийн хязгаарлалтанд орсон олон аплейкшныг гар утасныхаа нэгжээр л авах боломж бүрдэж байгаад залуучууд ч дуртай байсан.

Монголчуудын хувьд эрүүл мэнддээ байнга  анхаарал тавьж чаддаггүй. Эмнэлгийн шинжилгээ оношлогооны төлбөр хэт өндөр. Дээрээс нь асар их ачаалалтай. Хэрвээ  шинжилгээ оношлогоо хийлгэе гэвэл маш их цаг зав бас мөнгө төгрөг  зарцуулах  шаардлагатай болдог. Тиймээс оношилгоо хийлгэж, шинжилгээ өгөлгүй явсаар олон хүн хүнд өвчин туссанаа мэдэлгүй цаг алдаж, хүндэрсэн хойно нь эмнэлэгт хандаж, зарим нь үүнээс болж амь насаа ч алдаж байгаа гашуун түүх бидэнд олон бий. Тэгвэл “Скайтел” групп энэ удаа “SMART HEALTH” гэсэн бас л дэвшилтэт технологи дээр суурилсан бүтэээгдэхүүнийг хэрэглэгчиддээ танилцуулж байлаа.

Тус компанийнхан “Home doctor” буюу “Гэрийн эмч” нэртэй аппаратуудыг оруулж иржээ. “Home doctor” буюу гэрийн эмчтэй болсноор гэртээ даралтаа хянаж, зүрхний бичлэг хийлгэж, шинжилгээ өгч, цусан дахь сахарын хэмжээгээ мэдэх боломжтой. Энэхүү аппаратыг Солонгосын дэлхийд алдартай LG компани үйлдвэрлэж, АНУ-д хэрэглэгчдийн таашаалд нийцсэн бүтээгдэхүүн болж чаджээ.  “Home doctor”-т өгсөн шинжилгээгээ интернэтээр өөрийнхөө эмч рүү явуулахад л болно. Эмч тань таныг шинжилгээг үзээд хэрэглэх эм тариа болон хийх эмчилгээг танд өгч байх ёстой гэнэ. Айл бүхэнд ийм аппарат хэрэггүй байж болно. Харин хэвтрийн хүнд өвчтэй, гэрээсээ гарах боломжгүй өндөр настай хүмүүст зайлшгүй хэрэгтэй эд байна даа гэсэн бодол төрж байсан. Нөгөө талаар “Скайтел” компанийн  танилцуулж байгаа энэ “Home doctor” ачааллаа даадаггүй Монголын эрүүл мэндийн салбарт бас нэг  дэвшил авчирч,  эмч нарт маань ч гэсэн шинэ ажлын байр, шинэ боломжийг нээж өгөх юм байна хэмээн олзуурхан бодож байснаа нуугаад яахав. Үүнээс гадна Скайтел групп “SMART HEALTH”-ээрээ дамжуулан гар утсаараа эрүүл мэндээ хянах боломж нээлттэй байгааг танилцуулж байлаа. Зүрхний хэм, цусны даралт, цусан дахь сахарын хэмжээгээ гар утсныхаа тусламжтайгаар хүн мэдэж болох гэнэ. Мөн идсэн хоолныхоо илчлэгийн хэмжээ, зарцуулж байгаа энергийн хэмжээгээ байнга хянаж байх боломжтой төхөөрөмжийг ч тэд оруулж иржээ.

Амьдрал баян. Харин бид юуг яаж хэрэглэж, өөрсдийнхөө амьдралыг илүү хялбар болгож болох бэ гэдэгт л анхаарах хэрэгтэй юм байна гэсэн бодол өөрийн эрхгүй төрж байлаа. “ICT-EXPO-2014” үзэсгэлэнд “Скайтел” компанийн танилцуулсан бүтээгдэхүүн үйлчилгээнүүдийн нэг нь “SMART SHOP” үйлчилгээ байсан. Та гар утсан дээрээ “SMART SHOP” гэсэн энэ цэсийг татаж авснаар та тус дэлгүүрт зарагдаж байгаа бараа бүтээгдэхүүнтэй танилцаж, хаана байгаа газраа хүргүүлэх боломжтой. Бид юм авахаар дэлгүүрт очдог байсан бол харин энэ удаа дэлгүүр тан дээр очно гэдгийг мөн онцолж байсан юм.

"ICT-EXPO-2014" үзэсгэлэнд техник технологийн дэвшлийн харуулсан олон сонирхолтой бүтээгдэхүүн үйлчилгээгээ дэлгэж тавьсан Скайтел группын захирлууд “Бид хэрэглэгчээ дээдэлсэн хамт олон” гэсэн самбар дээр гарын үсгээ зурж тавьсан нь анхаарал татаж байлаа.


Тус компани 2012 оноос байгууллагынхаа бүхий л үйл ажиллагааг хамарсан “Өөрчлөлт шинэчлэлийн хөтөлбөр”-ийн олон талт ажлуудыг эхлүүлжээ.  Хэрэглэгчиддээ найдвартай чанартай үйлчилгээг хүргэх компанийн бүтээгдэхүүн, үйлчилгээ, үйл ажиллагааг сайжруулах Олон Улсын ISO 9001:2008 стандартын төслийг компанийн хэмжээнд бүрэн хэрэгжүүлж, Чанарын удирдлагын тогтолцоог бий болгожээ. Үүнээс  гадна Сингапур улсын  үйлчилгээний чанарыг сайжруулах ”Service Excellence” буюу “Үйлчилгээний төгөлдөршил” аянг 2014 оноос албан ёсоор эхлүүлж, хэрэглэгчийн сэтгэл ханамжаар манлайлсан “Хэрэглэгч төвтэй” бизнесийн байгууллага болох зорилго тавин ажиллаж байгаа гэнэ. Олон улсад хүлээн зөвшөөрөгдсөн ”Service Excellence” буюу “Үйлчилгээний төгөлдөршил” аяныг эхлүүлэхийн тулд Бүсийн зөвлөхүүдийг урьж зөвлөгөө авчээ. Нийт зургаан  категори 17 үзүүлэлт 58 шалгуурын дагуу тус компани  180 орчим ажил хийхээр төлөвлөгөө гаргаад ажиллаж байна.

Хэрэглэгчийн сэтгэл ханамж, үйлчилгээний чанартаа онцгой анхаардаг тус компани төлөвлөгөөний дагуу ирэх 10 сарын 30 гэхэд бүсийн зөвлөхийн гаргаж өгсөн 180 ажлыг хийж дуусгана. Харин хэрэгжүүлэх ажил хэзээ ч дуусахгүй гэж ярьж байлаа. “Яагаад?” гэсэн саваагүй асуултанд “Хэрэглэгчийн сэтгэл ханамж гэдэг нэг зүйл хийснээр төгс болохгүй шүү дээ” гэсэн тун товч хариултыг өгсөн юм. Одоогоос 15 жилийн тэртээ 1999 онд “Гар утас гангараа биш хэрэглээ” гэж уриалсаар Монголын зах зээлд хөл тавьсан тус компанийхан өнгөрсөн 15 жилийн дотор гар утасны зах зээлд олон том алхам хийж чадсан.

Харин өнөөдөр тэд “Технологиор тэргүүлж, ухаалаг хэрэглээг урамшуулна” -хэмээн амлаж байна. Үнэхээр ч “ICT-EXPO-2014” үзэсгэлэнгийн үеэр Скайтел групп технологиор тэргүүлж чаддаг гэдгээ батлаж чадлаа. Энэ жил 15 жилийнхээ ойг тэмдэглэж байгаа Скайтел групп ухаалаг утастай хүн бүрт бэлэг барьж байна. Скайтел компанийн  нэвтрүүлсэн “Smart Social” “Smart media” үйлчилгээг авснаар  та 2014оны турш үнэ төлбөргүйгээр Facebook, Twitter, Linkedin, Instagram сошиал сайтууд руу гар утаснаасаа өдөр шөнийн аль ч үед, хаанаас ч холбогдох боломжтой болж,  интернэтэд төлбөр төлж, илүү зардал гаргалгүйгээр гар утаснаасаа  Монголын хамгийн том мэдээллийн сайтуудаас хүссэн мэдээллээ унших боломжтой болж байгаа аж.  Энэ даширамд сануулахад  үүрэн холбооны Скайтел компани 9009-хххх, 9008-хххх  9010-хххх, 9011-хххх дугааруудаа худалдаанд гаргажээ. Монголчууд тоо билэгшээдэг ард түмэн. Тиймээс ч сүүлийн үед 11, 10, 09, 08 гэж эхэлсэн утасны  дугаарууд үнэд хүрч, өдрөөс өдөрт ханш нь өсч, эрэлт хэрэгцээ нь ч нэмэгдэж байгаа болохоор хэрэглэгчид Скайтел компанийн шинэ дугааруудыг тун их сонирхож байсан.