Олон улсын Хүүхдийн эрхийг хамгаалах өдрөөр Fanta брэнд хүүхэд багачуудтайгаа хамтдаа баярлав

Жил бүрийн хүүхдийн баяраар эцэг эхчүүдийн санаагаа зовоодог зүйлүүдийн нэг нь хүүхдүүдээ хаана аваачиж, хэрхэн баярлуулах вэ хэмээн бодоцгоодог билээ.

Харин ЭЕРЭГЭЭР АМЬДАРЦГААЯ уриатайгаар үйл ажиллагаагаа явуулдаг М-Си-Эс Кока-Кола компани жил бүрийн хүүхдийн эрхийг хамгаалах өдрийг тохиолдуулан хүүхэд багачуудаа баярлуулсан арга хэмжээнүүдийг зохион байгуулсаар ирсэн билээ. Тэд энэ удаад Аргагүй л жимсний амт ФАНТА ундаагаараа Сүхбаатарын талбай, Скай их дэлгүүр болон Яармаг дахь Вива сити хорооллуудад байрлан хүүхэд багачуудаа мартагдашгүй сайхнаар баярлууллаа. Сагс болон хүүхдүүдэд зориулсан асуулт хариултын АХА-тэмцээн зохион байгуулахын зэрэгцээ энэхүү өдрийн давтагдашгүй сайхан мөчөө фото зурагт мөнхлөн өөрсдийн төрхөө хүүхэлдэйн баатрын дүрээр зуруулах боломжийг бүрдүүлж өгсөн нь хүүхэд багачуудынхаа баяр дээр нь баяр нэмсэн сайхан үйл ажиллагаа боллоо.

Мөн М-Си-Эс Кока-Кола компанийхан Баянзүрх дүүргийн Хүүхэд гэр бүлийн хөгжлийн төв, оюутан залуусын My Club болон Хөгжлийн бэрхшээлтэй хүүхдүүдийн “Ер бусын үйлс” ТББ-уудтай хамтран Хүүхдийн баяраар тэр бүр баярлаж чаддаггүй хүүхдүүдээ баярлуулсан билээ.