Цагаан хоолчдын фестиваль

Одоогоос 180 жилийн өмнөөс эхлэн Хятадын хуанлигаар ихэнхидээ ес эсвэл арван сарын үед шинийн 9-нд Тайландад “Цагаан хоолтны фестиваль” буюу “Удирдагч есөн бурхны фестиваль” болдог байна. Нутгийн иргэд үүнийг Тхесакан Кин Че гэж нэрлэдэг аж. Фестиваль 10 хоногийн турш үргэлжилдэг бөгөөд дотоод сэтгэлээ ариусгах, өөрийн гаргасан шийдвэрийн мөн чанарыг мэдэх зорилготой байдаг байна. Тэдний үзэж байгаагаар энэхүү фестиваль нь ямар нэг зөв шийдвэр гаргасан хүмүүст томоохон баяр баясал болдог аж. Энэ жилийн “Цагаан хоолтны фестиваль” 10-р сарын 15-23 хооронд зохиогдож байгаа гэнэ. Хэт мэдрэмтгий хүмүүс үзэхгүй байхыг хүсье.

Энэ үеэр Пхукетагийн гудамжинд янз бүрийн хоол хүнс зардаг боловч эдгээр хоолонд огт амьтны гаралтай махан бүтээгдэхүүн ороогүй байна. Баярын үеэр архи уух, тамхи татах, бэлгийн харилцаанд орохыг хориглодог. Фестивалийн хамгийн хачирхалтай хэсэг нь баярт оролцогчид биеийнхээ хэсгүүдийг цоолж, халуун нүүрсэн дээгүүр явдаг байна. Өөрсдийнхөө дутагдлыг арилгахын тулд тэд биеийнхээ хэсгийг зүү, хутга, жад, сүх гэх мэт хурц иртэй зүйл ашиглан цоолдог аж. Энэ нь тэд шүтлэгтээ үнэнч гэдгээ харуулдаг байна. Мөн баярын үеэр аль болох цагаан хувцас өмсөж, амьтны амийг хөнөөх эсвэл тэдэнд ямар нэг хор хөнөөл учруулахаас зайлсхийх ёстой.