Монгол улсын мэдээлэл, харилцаа холбооны технологийн салбарт анх удаа зохион байгуулагдаж буй тус үзэсгэлэн, семинарт дэлхийн мэдээллийн технологийн шилдгүүд болох “General Electric”, “LG”, “Cisco”, “Telesat”, “Canon”, “Dell”, HP, “Oracle” зэрэг арав гаруй компанийн төлөөлөгчид хүрэлцэн ирж, мэдээллийн технологийн салбарын инноваци, дэвшилтэт шийдлүүд, шилдэг бүтээгдэхүүн, үйлчилгээгээ Монгол хэрэглэгчдэд танилцуулан, туршлага солилцсон юм.
“POWER OF ICT INNOVATION” үзэсгэлэн семинарын үйл ажиллагааг нээн М-Си-Эс Электроникс ХХК-ийн Гүйцэтгэх захирал Н.Баттулга үг хэлэв.
Үзэсгэлэн семинарын үйл ажиллагааг нээх ёслолын арга хэмжээ.
Зүүн гар талаас Канон Хонг-Конг салбарын Ерөнхийлөгч Минокова сан, Мэдээллийн технологи, шуудан, харилцаа холбооны газрын дарга Жадамба, М-Си-Эс Электроникс ХХК-ийн Гүйцэтгэх захирал Н.Баттулга, Харилцаа холбооны зохицуулах хорооны дарга Болдбаатар, ТУЗ-ийн гишүүн Peter Sany -ын хамт нээлтийн туузыг хайчилж байна.
Ёслолын арга хэмжээг нээн хүндэтгэлийн Оргилуун дарс буудуулан, албан ёсоор “Power of ICT Innovation” олон улсын үзэсгэлэн семинарын үйл ажиллагааг эхлүүлэв.
Уг үзэсгэлэнгийн нээлтийн үйл ажиллагааг тохиолдуулан дуучин Хаянхярваа нийт хэрэглэгчдэдээ зориулан өөрийн ая дуугаа хүргэсэн билээ.
М-Си-Эс Электроникс ХХК-ийн Гүйцэтгэх захирал Н. Баттулга болон Huawei корпорацийн Дэд ерөнхийлөгч Zousiyi нар нь хамтын ажиллагааны гэрээнд гарын үсэг зурсанаар тус хоёр байгууллага цаашид хамтран ажиллахаа албан ёсоор мэдэгдэв .
Тус үзэсгэлэн семинарын бас нэгэн томоохон үйл явдал болох Алдарт Apple брэндийн цоо шинэ бүтээгдэхүүн iPhone 5 - ийг Монголд анх удаа албан ёсоор танилцууллаа.
Үзэсгэлэнгийн үеэр засагдсан Canon брэндийн Booth-ийн зураг.
Дэлхийн фото зургийн өнгө төрхийг тодорхойлогч, дэвшилтэт шийдэл бүхий, мэргэжлийн гэрэл зургийн аппаратуудыг эрхэм хэрэглэгчдэдээ зориулан тус үзэсгэлэн семинарын Ерөнхий ивээн тэтгэгч Canon брэнд дэлгэн тавьсан байв.
Техник технологийн салбарын томоохон төлөөлөл Хуавэй корпораци бүтээгдэхүүнүүдээ хэрэглэгчдэд танилцуулж байгаа нь.
Тус корпорацийн Дэд ерөнхийлөгч Zousiyi энэнхүү үзэсгэлэн семинар болон хамтын ажиллагааныхаа талаар хэвлэл мэдээллийнхэнд ярилцлага өглөө.
Алдарт Acer брэнд тус олон улсын үзэсгэлэн дээр өөрсдийн техинк технологийн дэвшилтэт шийдэл бүхий бүтээгдэхүүнүүдийг хэрэглэгчдэд танилцуулсан нь хэрэглэгчдийн анхаарлыг маш ихээр татсан юм.
Энэхүү үзэсгэлэн семинарын Ивээн тэтгэгч HP корпораци өөрийн брэндийн шинэ нөүтбүүкүүдийг дэлгэн тавьсан байна.
Мөн тус үзэсгэлэн семинарын Ивээн тэтгэгч Dell брэнд хэрэглэгчдэдээ өөрсдийн бүтээгдэхүүний дээжсээс танилцуулж байгаа нь.
Үзэсгэлэн семинарын бас нэгэн Ивээн тэтгэгч, дэлхийн тэргүүлэгч брэнд Oracle нь өөрийн бүтээгдэхүүн, үйлчилгээний талаар хэрэглэгчдэд хүргэлээ.
Эдгээр дэлхийн мэдээлэл технологийн тэргүүлэгчдийн хамт манай улсын
МТ-ийн томоохон брэндүүд өөрсдийн үйл ажиллагаа, бүтээгдэхүүн,
үйлчилгээг нийт хэрэглэгчдэдээ хүргэсэн нь тус үзэсгэлэн семинарын цар
хүрээг улам бүр өргөжүүлж байлаа.
Сансрын холбооны үйлчилгээг үзүүлэгч Telesat компанийн үзэсгэлэнгийн танилцуулга бүхий Booth-ийг та бүхэн харж байна.
Үүрэн холбооны үндэсний оператор Юнител ХХК болон Кабель, Интернэт, Суурин утасны гурвалсан үйлчилгээг үзүүлэгч Юнивишн компаниуд үзэсгэлэнгийн үеэр.
Монгол залуучуудын ур ухаанаар бүтсэн Green ERP болон Эрдмийн түлхүүр систем интеграцчиллын тухай хэрэглэгчдэд танилцуулж байна.
IT zone дэлгүүрийн менежер Гантулга хэрэглэгчдэд Canon брэндийн дижитал камеруудын үзүүлэлт, онцлогийг танилцуулж байна.
Компьютер, дагалдах хэрэгслийн Мэргэжлийн засвар үйлчилгээний төв Dr Computers хэрэглэгчдэдээ өөрсдийн үйлчилгээний талаар танилцууллаа.
Үндэсний шилдэг бүтээгдэхүүн өргөмжлөлт Могул брэндийн хамт олон өөрсдийн бүтээгдэхүүнээ танилцуулж байна.
Харилцаа холбооны тоног төхөөрөмж, дагалдах хэрэгслийн үйлдвэрлэлээр дэлхийд тэргүүлэгч Cisco брэнд бүтээгдэхүүний танилцуулга.
Олон улсын үзэсгэлэнгийн үеэр. Дэлхийн тэргүүлэгч брэнд LG CNS корпорацийн танилцуулга Booth.
Нээлттэй үзэсгэлэнгийн үеэр хэрэглэгчид гадаадын болон дотоодын тэргүүлэгч брэндүүдийн техник технологийн дэвшлийг чөлөөтэй үзэн, танилцаж, туршлага солилцох боломжийг олгож байлаа.
Ийнхүү дэлхийн техник технологийн тэргүүлэгч брэндүүд болон манай орны МТ-ийн салбарын шилдгүүд хоёр өдрийн турш өөрсдийн үйл ажиллагаа, бүтээгдэхүүн, үйлчилгээг Монгол улсынхаа нийт хэрэглэгчдэд танилцуулан сурталчиллаа.
“POWER OF ICT INNOVATION” сэдэвт семинарын нээлтийн үйл ажиллагаа.
Баруун талаас Семинарын мегаратор ICTPA ЭНХЖАРГАЛ, Oracle корпорацийн Engineered Systems Sales Representative LLYA LEBEDEV, Dell Rest of Asia Pasific, Channel Manager REBECCA LEE, М-Си-Эс Электроникс ХХК-ийн Гүйцэтгэх захирал Н.Баттулга, Мэдээллийн технологи, шуудан, харилцаа холбооны газрын дарга Жадамба тус тус байна.
Энэхүү семинар нь хоёр өдрийн турш явагдсан бөгөөд Мэдээллийн технологийн салбарт дэлхийд тэргүүлэгч байгууллагуудын 20 гаруй шилдэг илтгэлүүд, мэргэжлийн экпертүүдээрээ дамжуулан тавигдсан юм.
Семинар нь англи хэл дээр явагдсан бөгөөд үзэгчид Синхро орчуулгын төхөөрөмжөөр дамжуулан эх хэл дээрээ сонсож байсан юм.
Oracle корпорацийн Engineered Systems Sales Representative LLYA LEBEDEV-ийн “Oracle Engineered Systems Overview” сэдэвт илтгэлийн үеэр.
Dell Rest of Asia Pasific, Channel Manager REBECCA LEE-ийн “Updates on Dell Clients Solutions” илтгэлийн үеэр.
9-р сарын 28-ны үдэш М-Си-Эс Электроникс ХХК-ийн 15 жилийн ойд зориулсан хүндэтгэлийн Gala хүлээн авалтыг зохион байгуулсан бөгөөд тус арга хэмжээний нээлтийг М-Си-Эс Электроникс ХХК-ийн Гүйцэтгэх захирал Н.Баттулга нээн үг хэллээ.
Нээлтийн арга хэмжээнд зориулан Ерөнхий ивээн тэтгэгч Canon Хонг-Конг корпорацийн ерөнхийлөгч Миноково сан үг хэлж байна.
Тус хүлээн авалтын арга хэмжээнд уригдсан Мэдээлэл, харилцаа холбоо, технологийн салбарын дэлхийн болон дотоодын тэргүүлэгчдэд хүндэтгэлийн цэцгэн зүүлтийг хадаж өгөв.
Энэхүү хүндэтгэлийн хүлээн авалтад нийт 250 гаруй Мэдээлэл, харилцаа холбоо, технологийн салбарын шилдгүүд оролцсон нь Монгол улсын хөгжил дэвшлийг тодорхойлохуйц томоохон арга хэмжээ болсоныг илтгэж байлаа.
Хүлээн авалтын үеэр Зураач, Галиграфч О.Ням-Очир өөрийн үндэсний урлагийн шинэ урсгал бүхий үзүүлбэрийг Хүндэтгэлийн Gala хүлээн авалтын нээлтэн дээр үзүүлж байна.
Тус үзүүлбэрийг Үндэсний шилдэг Морин хуурч Жигжиддоржийн морин хуурын
аятай хоршин үзүүлсэн нь Үндэсний урлагаар амьсгалсан, гайхалтай
үзүүлбэр болсон юм.
Арга хэмжээнд уригдан оролцсон оролцогчдын сэтгэлийг татсан бас нэгэн гайхалтай үзүүлбэр яахын аргагүй уран нугаралт байлаа.
Нугараач О. Лхагва-Очир өөрийн нугаралтын гайхамшгийг үзүүлж байна.
Үйл ажиллагаанд уригдан оролцсон Монголын үндэсний Морин хуурын чуулгын тоглолтын үеэр.
Voice хамтлагийн дуучин Отгонжаргал өөрийн уран бүтээлийн дээжээс тус хүндэтгэлийн хүлээн авалтад ая дуу өргөлөө.
Хүндэтгэлийн үйл ажиллагаан дээр М-Си-Эс Электроникс ХХК-ийн 15 үнэ цэнэтэй хэрэглэгчдэд Шагнал гардуулсан бөгөөд уг ёслолын үйл ажиллагааны үеэр.
Мөн Монгол поп урсгалыг үндэслэгч, Төрийн соёрхолт дуучин Болд өөрийн уран бүтээлийн дээжсээс хүргэлээ.
Хүрэлцэн ирсэн хүндэт зочид Дурсгалын самбар дээр хэзээд мартагдашгүй тэр үдшийг мөнхлөн үлдээлээ.
Ийнхүү Монгол улсын Мэдээлэл, Харилцаа холбооны салбарт үнэтэй хувь нэмэр оруулсан М-Си-Эс Электроникс ХХК-ийн 15 жилийн ойн хүндэтгэлийн арга хэмжээ ёслол төгөлдөр болж өндөрлөлөө.
Уучлаарай энэ мэдээнд oдоогоор
сэтгэгдэл бичих боломжгүй байна.