Үндэсний урлагаараа бахархаж байна

“Их хуралдай” хэмээн нэрийдсэн энэ тоглолт үнэхээр л нэр шиг ээ олон хүний сэтгэлийг хөдөлгөж, ойрын жилүүдэд үзээгүй, сонсоогүй бүхнийг үзэгч түмэндээ харууллаа. Үндэсний урлагийг дэмжигч, энэхүү тоглолтыг хамтран зохион байгуулагч Юнител группээс Үндэсний хөгжмийн их найрлын уран бүтээлчид, рок попын одод болон үзэгч олондоо хүндэтгэл үзүүлэн, ногоон хивсний ёслолыг зохион байгуулж, ирсэн зочдыг улаан дарсаар дайлж, үзэгчдийг урлаг соёлынхонтой зургаа авахуулах боломжоор хангаж, тоглолтын эхэнд гэнэтийн бэлэг барьсан нь “ Их хуралдай ” тоглолтын сэтгэл хөдлөм мөчийн нэг байлаа.

Үндэсний урлагийн сэргэн мандалтыншинэ үе эргэн ирснийг Үндэсний хөгжмийн их найрал 50 насныхаа ойгоор батлан харуулж буйн тод жишээ нь Их хуралдай байсан гэдэгтээ олон хүн санал нэгдэх биз ээ. Морин хуур, ятга, шанз, бүрээ, бөмбөр бүгд гайхалтай цогцон, тэрхүү хөг аялгуунд рок попынхон тун чиг чадварлаг дуулах нь үнэхээр биширмээр. Сараа, Наран, Болд, Sweetymotion, Дээгий, Өөжгий, Чинбаа тэд бол рок попын акулууд, дахин давтагдашгүй уран бүтээлчид. Бас Монголын бахархал.

Өвөг дээдсээс уламжлан үлдээсэн ардын урлагаа унаган төрхөөр нь хадгалан үлдэж, бас улам баяжуулснаа ҮДБЭЧ-ынханэнэ өдөрМонголын үзэгчиддээ тайлагналаа. Монгол хүн монгол урлагаараа, уран бүтээлчдээрээ бахархан, омогших нөхцлөөр хангасан Чуулгынхан та бүхэн дээ баярлалаа. Та бүхний хөлс хүч, сэтгэл үнэртэж байсан Их найрал үнэхээр гайхалтай байсныг үгээр зүйрлэн хэлэхэд бэрх юм.

Нийгмийн хариуцлагаа ямагт ухамсарлаж, хэрэглэгчдийнхээ таатай байдлын ханган ажиллахыг эрхэмлэгч Юнител групп анхдагч зангаараа бас л үндэсний урлагтаа томоохон хөрөнгө оруулалт хийж, Их хуралдай тоглолтыг хамтран зохион байгуулжээ. Итгэл найдварын ногоон өнгөөр өөрсдийгөө чимсэн Юнителчүүддээ ч бас баярлалаа.

Монгол хүн бүрийн сэтгэлд халуун дулаан омогшил, зүрхэнд нь гэрэл бүхнийг цацруулж чадсан “Их хуралдай” ийнхүү нэгэн үдэш СТӨ-г доргиолоо.