Румыны модель Иоана Спанбенберг (Ioana Spangenberg) – ийг Британий хэвлэл мэдээллийн хэрэгслүүд “элсэн цаг” гэж нэрлэх болжээ. Учир нь энэ эмэгтэй ердөө 20 инч буюу 51 см хүрэхгүй тойрогтой бүсэлхийтэй юм байна. 167.6 см өндөртэй Иоана-гийн биеийн харьцаа нь 32-20-32 инч буюу 81-51-81 см бөгөөд хальтхан харахад жинхэнэ хүн шиг биш, харин барби хүүхэлдэйг санагдуулам харагддаг ажээ. Алдарт Mattel брэндийн үйлдвэрлэдэг үзэсгэлэнтэй хүүхэлдэйнүүдийн бие нь эрүүл бус, хэт туранхай хэмээн шүүмжлүүлдэг гэдгийг бид мэднэ. Тиймээс жинхэнэ хүн хэрэв тэдгээр хүүхэлдэйнүүд шиг харьцаатай байсан бол Иоана шиг харагдах нь лавтай гэдгийг Британий сэтгүүлүүд дурьдсан байна. Барби хүүхэлдэйг хүний биеийн өндөртэй болговол биеийн харьцаа нь 91-45-83 см болох аж. Ингээд хүүхэлдэй үйлдвэрлэгчдийн нүдээр төгс төгөлдөрт тооцогддог биеийн харьцаа жинхэнэ амьдрал дээр ямар харагдахыг Иоана-гийн жишээгээр дамжуулан мэдэж авцгаая.