Тайланд улсын нийслэл, хамгийн том хот болох Бангкокоос холгүй Канчанабури аймаг оршино. Уг аймаг дэлхийн олон сая жуулчдын дунд Буддын лам нарын тэжээдэг барын сүмээрээ алдартай байв. Шашин, гүн ухааны номлолоо дагаж, амьтай бүхнийг хайрлан энэрдэг гэх тэдгээр лам нар гаднаасаа "том муурнууд"-ыг өсгөн тэжээж байгаа мэт харагдаж байсан ч олон нийтийн нүднээс далд аймшигтай нууцыг хадгалж байсан нь хожим илэрчээ.