1
Үйл хөдлөл хэтэрхий их хянадаг эмэгтэй
Туршлагаас үзэхэд ийм төрлийн эмэгтэйчүүдээс эрчүүд хамгийн ихээр зайгаа барьдаг байна. Уг төрөлд хамаарах эмэгтэйчүүд үргэлж бүх зүйлд хяналт тавьж бүх хүмүүсийг удирдахыг эрмэлздэг. Тэд өөрийн амьдралын ханийнхаа зорилго болон хүсэл мөрөөдлүүдийг хүртэл бүрэн удирддаг аж. Ийм төрлийн зан авир хүүхэд ахуйд эхийн эрхт гэр бүлд бүрэлддэг байна. Амьдралынхаа туршид уг төрөлд хамаарах эмэгтэйчүүд эрчүүдийг юу ч хийж чадахгүй гэж боддог аж. Эрчүүд эсрэгээрээ харилцаа хоёр талын хүндлэл дээр тогтох ёстой гэж үздэг байна.
2
Эрэгтэйлэг эмэгтэй
Ийм төрлийн эмэгтэйчүүд бүх зүйлийг гартаа авах дуртайгаас гадна эрчүүдийн талбар дээр өрсөлддөг аж. Тэд жинхэнэ эр хүмүүсийн зан авирыг өөртөө агуулж чаддаг нь хачирхалтай. Ихэнхдээ тэд зарчимч хатуу бизнес эмэгтэйчүүд байдаг бөгөөд өөртөө маш итгэлтэй, их зантай байх нь элбэг.
Тэдний гол зорилго бол хүмүүст өөрийн манлайлагч чадвараа харуулах явдал юм. Ийм төрлийн эмэгтэйчүүд эрчүүдийн өөртөө итгэх итгэлийг үгүй хийдэг аж.
3
Өөрийгөө хайрлаж чаддаггүй эмэгтэй
Уг төрөлд хамаарах эмэгтэйчүүд өөрсдийгөө бусдын төлөө золиосолдог. Ийм зан авир мөн л тухайн хүний бага насанд тогтдог байна.
Ихэнхдээ энэ төрлийн эмэгтэйчүүд муу залуустай гэр бүл болж тэдний эрхшээлд орон амьдрах нь элбэг. Өөрийгөө ч хайрлаж чаддаггүй хүнийг хэн хайрлах вэ дээ?
4
Гомдомхой эмэгтэй
Энэ төрөлд хамаарах эмэгтэйчүүд урьд өмнө эсрэг хүйстэнтэйгээ харилцах харилцаанаас шарх авсан байх нь их. Өмнөх харилцаанаасаа хэтэрхий их сургамж авснаар "бүх эрчүүд адилхан" гэж боддог болсон байдаг. Уг төрөлд хамаарах эмэгтэйчүүд өөрсдийнхөө зан аашийг эхний болзоо дээрээс л харуулах болно. Тэрбээр тэвчээртэй, болгоомжилсон мөн олон үггүй байх нь олонтаа.
Ийм төрлийн эмэгтэйчүүдийн гол асуудал нь тэд гомдлоо удаан тээж сүүлд нь гэнэт уурлаж уцаарладаг. Үүнээс гадна өөрийг нь бусад эрчүүдтэй адилхан гэж боддог эмэгтэйтэй яаж удаан хугацаанд үргэлжлэх бат бөх харилцаа зохиох вэ?
5
"Өөгүй" эмэгтэй
Бүх зүйлийг төгс хийх гэсэн эмэгтэйд ямар буруу зүйл байхав гэж бодогдож магадгүй. Гэвч ийм эмэгтэй эсрэг хүйстэндээ ч шаардлага тавих нь ойлгомжтой.
Мөн "өөгүй" эмэгтэйд өөртэй нь ижил "өөгүй" ээж байдаг гэдгийг санах хэрэгтэй. Эрчүүд ээжтэй нь ч мөн харилцах хэрэг гарах бөгөөд энэ тийм ч баярламаар зүйл биш.
Эмэгтэйчүүд үргэлж л ямар нэгэн зүйлд санаа зовсон байдалтай байдаг. Тэгвэл эдгээр таван төрлийн эмэгтэйчүүд бүр ч их ийм ааш зан гаргах нь тодорхой. Тэд өөрийн орчин тойронд буй зүйлүүдэд бага насны муу дурсамж болон хүмүүжлийнхээ дагуу хандах болно. Мэдээж үүнийгээ эмэгтэйчүүд нуух гэж оролдох ч эрчүүдэд ийм төрлийн эмэгтэйчүүдийг мэдэрч зайгаа барих чадвар байдаг.
Хэрвээ харилцаа тань бүтэхгүй бол өөрийгөө удаан зовоолгүй шинэ харилцаа үүсгээрэй! Хаа нэгтээ таныг өөрөөр тань хайрлах хүн байж л таараа.
