1
Юунд ч хүрсэн тог цохиод байвал гутлаа соль
Заримдаа бид хаа нэг газар хүрэхэд бага хэмжээний цахилгаан цохидог. Даавуу хоорондоо үрэлдэх үед цахилгаан долгион үүсдэг учир хэн нэгэнтэй гар барихад хүртэл тог цохидог. Хувцасны ирмэгтэй нийлж буй гутал бүтэн өдрийн турш цахилгааныг хуримтлуулах магадлалтай байдаг учир нэн түрүүнд гутлаа солих хэрэгтэй. Үүнээс гадна синтетик, олон давхар бус харин цэвэр даавуун материалтай хувцас өмсөөрэй.
2
Зогьсоод байвал хэлээ гарга
Заримдаа гэнэт зогьсох биднийг эвгүй байдалд оруулдаг. Энэ нь амьсгал авах, гаргах диафрагм булчингийн чангаралтай холбоотой. Зогьсолтыг зогсоохын тулд хэлээ тултал гаргах хэрэгтэй. Үүний ачаар хэл болон диафрагмын дунд байрлах мэдрэл сунаж, булчин суллахад тустай.
3
Будсан хумсаа хурдан хатаахыг хүсвэл хүйтэн усанд дүр
Хумсаа хатсан үгүйг шалгахын тулд гараараа хумсан дээгүүрээ явуулахад хатаагүй байхад хэчнээн харамсалтай санагддаг билээ. Тэгвэл энэ асуудлыг хялбархан шийдвэрлэж болно. Арьсан дээр илүү наалдсан будгийг арилгахын тулд та хумсаа будчихаад хүйтэн усанд 3 минут гараа хийхэд л хангалттай. Ингээд та бүтэн өдрийн турш төгс сайхан маникюртай байх болно.
4
Алимны цуу ашиглан ялаанаас сал
Энэхүү арга танай гэрийг хөгцөрсөн бүтээгдэхүүн, исгэсэн бүтээгдэхүүнд татагддаг дрософил ялаанаас ангижруулж чадна. Энэ төрлийн ялаа нэг удаад 500 өндөг гаргах чадвартай бөгөөд өндөг 24 цагийн дотор хагардаг аж. Тиймээс аяганд алимны цуу хийгээд дээрээс нь хүнсний скочоор нааж ялаа багтахуйц нүх гаргаарай. Ялаа исгэлэн алимны цууны үнэрт хууртаж, аягатай цуу руу орж эргэн гарч чадахгүй.
5
Угаалгын өрөөний шил толийг цантахаас хамгаалах
Халуун усны уураас болоод угаалгын өрөөний шил толь цан цохидог. Үүнтэй тэмцэхэд машины өнгөлөгч вакс байхад л хангалттай. Бодисоо түрхсэний дараа хуурай алчуураар гялалзтал арчаарай. Нэг хэсэгтээ л цантахгүй гэдэгт итгэж болно.
6
Шарах шүүгээнд ваниль хийж халаавал гэрээс тань сайхан үнэр үнэртэнэ
Энэ аргыг та зочин ирэхийн өмнө эсвэл гэрт эвгүй үнэр шингэсэн үед ашиглах боломжтой. Халуунд тэсвэртэй саван дотор 2 хоолны халбага ваниль хийж, 150 градус хүртэл халаасан шарах шүүгээнд 15 минут болгоорой. Таны гэрт чихэрлэг таатай үнэр шингэх болно. Хэрэв хэтэрхий нялуун санагдвал цонх, тагтаа онгойлгож агаар сэлгэхэд болно.
7
Дүрдэг цайны уутаар хугарсан хумсаа наах
Хэрвээ таны удаан ургуулсан хумс тань хугарсан бол заавал бүх хумсаа авах хэрэггүй. Танд дүрдэг цайны уут, хумсны будаг байхад хангалттай.
Хугарсан хумсныхаа будгийг арилгаж, хумсны будгийн суурь буюу base түрхэнэ. Дүрдэг цайны уутнаас дөрвөлжлөн хайчилж аваад хумсан дээрээ наах бөгөөд дахин суурь түрхэж хатаагаад дуртай өнгийн лакаа түрхээрэй.
8
Хар батганаас салах маск
Хар батга бол ихэнх хүмүүст тулгардаг арьсны хүндхэн асуудал. Ихэвчлэн арьсны нүхэнд бохир хуримтлагдсанаар батга гардаг. Тиймээс нүүрээ гүн цэвэрлэх хэрэгтэй бөгөөд үүний тулд гэрийн аргаар хийсэн гүн цэвэрлэгч маскыг ашиглаарай.
Орц: 1 гадилын нухаш, 2 хоолны халбага овьёос, 1 хоолны халбага зөгийн бал
Бүх орцоо хутгаж нүүрэн дээрээ зөөлөн массаж хийх маягаар түрхэн 5-7 минут байлгасны дараа угаана. Эцэст нь чийгшүүлэгч тос түрхэж, цэвэрлэсэн арьсаа хамгаалах хэрэгтэй.
