Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Улс орон бүр өөр өөр соёл, уламжлалтай байдгийн адилаар боловсролын систем нь ч өөр байдаг. Та бүхэнд зарим улсын боловсролын салбарын тухай сонирхолтой баримтуудыг хүргэж байна.
Японы сургуулиудын хичээлийн жил 3 улиралд хуваагддаг бөгөөд 4 сард эхэлдэг. Эхний улирлын дараа сурагчдын зуны амралт эхэлнэ. Энэ нь 7 сараас 9 сарын 1 хүртэл үргэлжилдэг. Хоёрдугаар улирал 12 сарын сүүл хүртэл үргэлжилж, харин сүүлийнх нь 1-3 сар хүртэл үргэлжилдэг байна. Анги дэвшилт нь 1 долоо хоног үргэлжлэх хаврын амралтын үеэр болдог аж.
Багшийн мэргэжлийн хувьд удаан хугацааны туршид зөвхөн эрчүүд л багш байсан. Одоогийн байдлаар багш нарын тал хувийг эмэгтэй хүмүүс эзэлдэг. Японы бараг бүх сургууль хоолны газаргүй учир хүүхдүүд өдрийн хоолоо ангидаа идэх нь элбэг.
Чехийн сургуулиудад мэдлэгийг үнэлэх систем нь 1-5 хооронд байдаг ба хамгийн сайн дүн нь 1 бол хамгийн муу нь 5 юм. Сурагчдын амралт Чехд зөвхөн зун ба өвөл болдог. Зуны амралт 2 сар үргэлжилдэг байна.
Нэг багш олон төрлийн хичээл заах нь Чехд элбэг тохиолдох явдал. Энд математикийн багш биеийн тамирын хичээл заах, химийн багш давхар Чех хэлийг заах боломжтой.
Финландын сургуулиудын бүх ангид багш мөн багшийн туслах байнга хамт хичээл заадаг. Туслах багшийг сурагчид дотроос сонгодог байна.
Багш хэзээ ч тухайн сурагчийг хүсээгүй байхад нь самбарын өмнө гаргадаггүй. Нэг сурагчийн мэдлэггүй байгааг бусдад ил болгох явдал энд зөвшөөрөгддөггүй аж.
Кубад ахлах сургуулийн боловсрол ажил мэргэжилд нухацтай ханддаг бөгөөд сурагчид хичээлээ ажилтай хослуулдаг. Хотын сургуулийн ахлах ангийн сурагчид жил бүр 5-7 долоо хоног хөдөө аж ахуйн ажил хийхээр явдаг байна.
Шведэд сургуулийн захирлууд хичээлийн жилийн дунд сурагчийг анги дэвшүүлэх эрхтэй байдаг байна. Мэдээж уг шийдвэрийг гаргахад сурагчийн хичээлийн амжилт болон эцэг эхийнх нь санал хамааралтай.
Хятадын сургуулиудын өвлийн амралт 12 сарын сүүлээс 2 сар хүртэл үргэлжилдэг. Энэ хугацаанд Хятадууд уламжлалт шинэ жилээ тэмдэглэдэг аж. Түүнчлэн Хятадын их сургуулиудын хичээл ердөө 40 минут л үргэлжилдэг.
Ирландад дунд сургуулийн боловсрол зайлшгүй шаардлагатайд тооцогддог тул 6-15 настай хүүхдүүд заавал сургуульд сурах ёстой байдаг. Гэхдээ оюутнуудын хувьд лекц үнэгүй байдаг байна.
Норвегийн сургуулиудад сурагчид 8-р анги хүртлээ мэдлэгээ шалгуулдаггүй. Түүнчлэн сургуулиуд өөр өөр насны түвшинтэй хүүхдүүдийг нэг газар сургадаггүй. Энд насны түвшинг тодорхой заагласан байдаг. Бага анги, 14 наснаас эхлээд өсвөр насныхан, 18 наснаас залуучууд гэх мэт.
Грекийн их дээд сургуулиуд боловсролд маш либерал хандлагатай байдаг. Энд олон оюутнууд боловсрол олж авах үйл явцаа 30 нас хүртэл үргэлжлүүлдэг. Грект боловсрол үнэ төлбөргүй, эмнэлгийн даатгал, оюутны хоолны газарт үнэгүй хоолоор хангадаг, мөн нийтийн тээврээр зорчиход янз бүрийн хөнгөлөлт өгдөг.
ХБНГУ-д эцэг эхчүүд хүүхдүүдэд сургууль дээрээ анхныхаа өдөр "Schultüte" гэх хүүхдэд зориулсан чихрээр дүүргэсэн конус хэлбэртэй өнгөлөг цаасан уут өгөх ёстой.
Германы дээд боловсролын байгууллагуудад суралцаж буй оюутнууд театр, музей, спортын клубд элсэхэд хөнгөлөлт эдэлдэг. Мөн оюутны карт нь нийтийн тээврээр үнэ төлбөргүй зорчих боломжийг олгодог. Үүнээс гадна Мюнхен хотод оюутнууд аяллын 25 хувийн хөнгөлөлт эдэлдэг бөгөөд хотын гадна амьдардаг оюутнууд 75 хувийн хөнгөлөлттэй байдаг байна.
Америкт сургуульдаа ирэхгүй байгаа хүүхдүүдийн эцэг эхийг баривчлах боломжтой байдаг. Стандартын дагуу нэг ангид 35-40 хүүхэд сурдаг. Америкт сурагчдад ирээдүйн мэргэжлийнх нь талаар мэдлэг олгохын тулд тэдгээрийн эцэг эх ирж өөрсдийн хийдэг ажлаа хүүхдүүдэд танилцуулдаг байна.
