DBX цувралын үргэлжлэл болж байгаа 707 нь хамгийн сүүлийн үеийн керамик тоормос, шинэчлэгдсэн загвараараа өмнөх загваруудаас ялгарч байгаа гэнэ. Түүнчлэн илүү нарийн биетэй учраас салхийг жинхэнэ зүснэ. Ердөө 3.3 секундийн дотор 100 км/ц хурдлах чадалтай учраас хэр баргын спорт машинтай уралдаж чадахаар болжээ. 

"DBX 707"-ийн бусад гол сайжруулалт бол нүүрстөрөгчийн керамик тоормос, түүнийг хариуцсан шинэ систем юм. Тоормосны хөргөлтийг нэгдсэн системийн хоолойгоор шийджээ. DBX 707-ийн тэнхлэгийг мөн бүрэн автоматжуулсан учраас хэзээ ч хүчээ алдахгүй, ямагт 100 хувийн хурд үзүүлэх гэнэ. 

Өмнө хэлсэнчлэн нийт 707 морины хүчин чадал бүхий 4.0 литрийн багтаамжтай V8-ийн битурбо хөдөлгүүрийг есөн шатлалт хурдны хайрцагтай хослуулж чадсанаар ийм хүчирхэг болжээ. 

Хөдөлгүүр нь мөн Mercedes-AMG-ээс гаралтай V8, V12 гэсэн хүчний хоёр төрлийн сонголттой бөгөөд AMG GT 4-Door Coupe-той хослуулсан Hybrid систем ашигласан байна. Сэтгүүлчдийн хэлж байгаагаар, "Aston Martin"-ын шинэ SUV-ыг бартаат замыг ч үл хайхран явагч гэдгийг илтгэж Ром хэлний “Хаа саагүй” гэсэн утгатай Varekai гэдэг үгээр хочилжээ. 

Жолоочийн урд нэгдсэн хянах самбар байх бөгөөд тэндээс машин амаржин, араа, hybrid систем зэргийг бүрэн удирдах боломжтой аж. Мөн дөрвөлжин хэлбэртэй шинэ спорт загварын яндангийн системийн тусламжтайгаар хөдөлгүүрээс гарах дууг мэдэгдэхүйц бууруулж чаджээ. Харамсалтай нь одоогийн байдлаар навигацийн систем буюу GPS нь төдийлөн сайн ажиллахгүй байгаа гэнэ. 

Энэхүү загвар 2023 оны эхээр худалдаанд гарах бөгөөд урьдчилсан захиалга 3-р сард эхэлсэн гэв. Үнэ: 239,086 ам.доллар

Сонирхолтой борлуулалтаараа DBX 707 нь "Aston Martin"-ий сүүлийн таван жилд гаргасан машинуудыг хэдийн давсан гэнэ.