Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Та бүхэндээ дэлхийн өнцөг булан бүрийн халуун үйл явдлыг тоймлон "Дэлхийн мэдээг цөөн үгээр" булангаараа хүргэж байна. Өнөөдрийн хувьд АНУ-ын эдийн засаг агшсан, Орос улс Киев хотод цохилт өгсөн зэрэг мэдээллүүдээс түүвэрлэн бэлтгэлээ.
Америкийн эдийн засаг 2022 оны эхний улиралд гэнэтийн уналтад орсныг Эдийн засгийн шинжилгээний товчооны пүрэв гарагт гаргасан тоо баримт харуулжээ.
Эдийн засгийн чадамжийн хэмжүүр болох дотоодын нийт бүтээгдэхүүн 1 дүгээр сараас 3-р сарын хооронд 1.4 хувиар агшсан байна. Өнгөрсөн жилийн мөн үед тус улсын ДНБ 6.9 хувиар нэмэгдэж байсан аж.
Энэхүү агшилт нь бараа материалын хөрөнгө оруулалт зкспорт болон засгийн газрын зардал мөн буурч, импорт өссөнтэй холбоотой гэж эдийн засагчид үзэж байгаа юм. Үнийн өсөлт үргэлжилсээр байгаа тул эдийн засагт амин чухал хэрэглээний зардал мөн нэмэгдсэн нь нөхцөл байдлыг хүндрүүлжээ.
АНУ-ын конгресс Дэлхийн 2-р дайны үед ашиглаж байсан Лэнд Лиз хөтөлбөрийг дахин эхлүүлэхээр болжээ.
Лэнд лиз (Lend-Lease) тусламж зээлийн хөтөлбөрийг АНУ-ын засгийн газар 1941 оны 3-р сарын 11-нд баталж Их Британи, ЗХУ, БНХАУ зэрэг Дэлхийн 2-р дайны холбоотнуудад зэвсэг, эд материалын туслалцааг дайн дуустал үзүүлжээ. Нийт 50.1 тэрбум ам.долларын (өнөөдрийн ханшаар 656 тэрбум ам.доллар) тусламж зээлийг үзүүлсэн нь АНУ-ын нийт дайны үеийн зарлагын 17 хувь болсон юм.
Үүний тусламжтай бараг буцалтгүй тусламж хэлбэрээр АНУ Украин руу шаардлагатай эд материал, зэр зэвсэг ямар ч саадгүй нийлүүлэх боломжтой болж байгаа бөгөөд ажиглагчид энэхүү шийдвэр дайныг эргүүлэх боломжтой хэмээн үзэж байна.
