Малчны хотноос Милан хүрэх зам - ЦАГААН АЛТ

Baterdene
2021-08-26, 11:36
МАРКЕТИНГ
1,602
0
Хуваалцах
Малчны хотноос Милан хүрэх зам - ЦАГААН АЛТ

Монголчууд бидэнд газрын баялаг шар алтнаас гадна “Цагаан алт” хэмээх шавхагдашгүй баялаг хонины ноос байдаг гэдгийг таниулж, ноосны үнэ цэнийг нэмэгдүүлэх олон нийтэд сурталчилахад чиглэсэн төсөл хэрэгжиж байна. 

Монголд 240,000 малчин өрх байдаг ба эдгээр өрхүүд нийт 28 сая толгой хонь эзэмшдэг ба жил бүр 30,000 тонн ноос авдаг байна.  Гэтэл улсын хэмжээний ядуурлын судалгаагаар (Дэлхийн банкны Монголын ядуурлын тухай судалгаа) гурван малчин өрхийн нэг нь амжиргааны түвшин ядуу ангилалд багтдаг байна.  Тэгвэл Америкийн Хөгжлийн Агентлагийн санхүүжилттэй World Learning ТББ-аас зохион байгуулдаг “LEAD” манлайлагч залуус бэлтгэх хөтөлбөрийн “Ажилгүйдэл, ядуурлыг бууруулах” зорилготой баг Шинэ Зеланд, Австралийн жишгээр Монгол малчин өрх гарын дор буй шавхагдашгүй нөөцийг алт шиг үнэд хүргэх боломжийг олон нийтэд таниулж, хонины ноосыг хэрхэн цахилгаан машинаар хяргаж, ангилж цэвэрхэн савалснаар үнэ цэнийг нь нэмэгдүүлж өөрт болон бусад хувийн хэвшилд үнэ цэн бий болгож, цаашлаад дэлхийн том брэндүүдийг чанартай, органик ноосон түүхий эдээр хангаж болохыг сурталчлах, малчдыг уриалан дуудахад чиглэсэн  аян өрнүүлээд байна.

Энэхүү төслийн хүрээнд:

Хонины ноосны үнэ цэнийг нэмэгдүүлэх сэдвийн хүрээнд малчид, үйлдвэрлэгчид болон төрийн холбогдох хүмүүсийн байр суурийг нэгтгэсэн бүрэн зураглал бүхий нэвтрүүлэг

Төслийг сурталчлах контент 

  • Хонины ноосыг “Цагаан алт” болгож олон улсын зах зээл дээр борлуулж буй “Файнноос” компанийн туршлага, үйл ажиллагааг таниулсан нэвтрүүлэг
  • Мөн Монгол орон даяар нийт малчдад хонины ноосыг цахилгаан машинаар хяргах аргачлалыг түгээн дэлгэрүүлэх зорилготой сургалтын контент (Баян-өлгий аймгийн Ногоон нуур сумын нутагт хийсэн) зэргийг тус бүр бэлтгэсэн аж.

Уг төсөл нь төр, хувийн хэвшлийн байр суурийг бодлогын хэмжээнд таниулан хамтын ажиллагааг ойртуулах замаар малчдын орлогын нэгээхэн эх үүсвэр үнэ цэн нь өсөн нэмэгдэх боломжтой ноосны чанарыг сайжруулах, дотоодын болон гадаадын зах зээлийн хангах бодит өөрчлөлтөд эерэгээр нөлөөлөх  зорилготой юм.

Төслийн баг эдгээр мэдээллүүдийг олон нийтэд хүргэхэд оролцох боломжийг нээн “Цагаан Алт” фэйсбүүк хуудас www.facebook.com/tsagaanalt.mn-ийг ажиллуулж байгаа аж.

Малчдын аж амьдралыг дээшлүүлэх цаашлаад экспортыг нэмэгдүүлэх “Цагаан алт” төслийг  Хүнс, хөдөө аж ахуй, хөнгөн үйлдвэрлэлийн яам, Хөдөө аж ахуйн бирж, Монголын хөдөө аж ахуйн хоршоологчдын үндэсний холбоо, Голомт банк, Монголын Үндэсний ТВ, Боловсрол ТВ, ТВ5, ТВ9, Малчин ТВ, Newschannel, VTV байгууллагуудад төслийн багийн зүгээс гүнээ талархал илэрхийлж байна. 

ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

8
таалагдаж байна

1
таалагдахгүй байна

Сэтгэгдэл

Уучлаарай энэ мэдээнд oдоогоор
сэтгэгдэл бичих боломжгүй байна.