1 Наран цэцгийн үр

Өглөөний цайндаа тэрээр наран цэцгийн үр иддэг байжээ. Энэхүү ургамал нь маш их хэмжээний ханаагүй өөх тос, фолийн хүчил агуулагддаг тул тархинд сайнаар нөлөөлдөг байна. 

Ким Ун Ёны хэлж байгаагаар өдөр бүр 1 атга наран цэцгийн үр идэх юм бол насан туршид тархины үйл ажиллагаа хэвийн байдаг гэнэ. 

Наран цэцгийн үрийг дангаар нь эсвэл тараг, бяслаг, овьёостой идэж болно.

2 Загасны мах

Тархины үйл ажиллагааг хэвийн хэмжээнд барихын тулд өдөр бүр хангалттай хэмжээний Омега-3 тосны хүчлийг биедээ авч байх ёстой гэдгийг эрдэмтэд олон удаа нотолсон билээ. Омега-3 нь төрөл бүрийн загасны мах, сам хорхой, улаан хар түрсэнд агуулагддаг.

Ерөнхийдөө санах ой, төвлөрлийг сайжруулахын тулд загасны махыг долоо хоногт 2-оос доошгүй удаа идэх хэрэгтэй аж. Энэ нь ялангуяа сургуулийн сурагчид, оюутнуудад хамаатай юм. Судалгааны үр дүнгээс харахад Омега-3-ыг тогтмол хэрэглэдэг сургуулийн хүүхдүүд илүү сайн сурдаг болох нь тогтоогдсон билээ. 

3 Хушга

Ким Вун Янг өдөр бүр 50 гр хушга иддэг гэнэ. 

Хушга нь олон төрлийн ханаагүй өөх тос, эрдэс бодис, Е витамин агуулдаг тул тархины хамгийн сайн "хоол" болдог.

Тиймээс өдөр бүр хушга идэж хэвших хэрэгтэй.

4 Бууцай, брокколи, хэрээний нүд

Ким Ун Янг өдөр бүр төрөл бүрийн бууцай, брокколи, хэрээний нүд зэргээс бүрдсэн салат иддэг аж. Эдгээр ногоонууд нь тархины үйл ажиллагааг хэвийн байхад нөлөөлдөг олон тооны витамин, эрдэс бодис, антиоксидант агуулдаг. 

5 Жимсгэнэ

Ким Ун Ёны хамгийн дуртай амттан бол шинэхэн эсвэл хөлдөөсөн жимсгэнээр хийсэн смүүти юм. Эдгээр нь олон микроэлементүүд, антиоксидант, флавоноид агуулдаг бөгөөд ой тогтоолт, тархины үйл ажиллагааг сайжруулдаг гэнэ.