Түүний эмч хэвлийд нь бойжиж буй ургийн хөгжлийг хэвийн гэж хэлэхэд хэтэрхий "өөр" байгааг мэдэгдээд, ямар нэг асуудал байна гэж анхааруулж, төрүүлэх эсэхээ дахин бодож үзэхийг санал болгосон байна. Хүсэн хүлээж байсан хүүхдийнхээ талаар цочирдом мэдээ сонссон залуу хос эхэндээ санаа зовж, түгшиж байсан ч дараа нь хувь тавилангаа хүлээн авахаар шийдсэн гэнэ.
Ийнхүү тэдний гэр бүлийн шинэ гишүүн болсон бяцхан хүү Гэвин хорвоод мэндэлжээ. Харин эмчийн хэлснээр бусдаас өөр гэсэн нь хүүгийн царайтай холбоотой байв. Нярай маш том нүүртэй төрсөн бөгөөд даруй нөхөн сэргээх процедурт хамрагдах ёстой болсон аж. Үүнээс хойш Гэвин өсөж бойжиход, нүүр нь ч мөн томорсоор хэсэг хугацааны дараа Гэвиний амьсгалд ихээхэн хүндрэл үүсэж эхэлсэн тул хүүг чөлөөтэй амьсгалуулахын тулд хагалгаа хийж, тусгай хоолой суулгажээ.
Хүү одоо гурван настай бөгөөд хэдийнээ дэлхий даяар алдартай болсон байна. Учир нь түүний аав, ээж хүүдээ зориулан инстаграм хуудас нээн гэр бүлийнхээ түүхийг интернет хэрэглэгчидтэй хуваалцаж эхэлснээр хэдийнээ 80 гаруй мянган дагагчтай болоод амжсан аж.
Өдөр бүр шинэ зүйлс сурч, хөгжсөөр байгаа Гэвин хүү маш ухаантай, цовоо сэргэлэн боловч амархан ядардаг гэнэ. Хүүг ой гарантай байхад нь түүний нүүрийг доош хэт унжихаас сэргийлэх нэмэлт төхөөрөмж хийлгэсэн байна.
Залуу хос хүүгээ төрөхөөс л боломжтой бүх зүйлийг туршиж, хүүхдээ аз жаргалтай амьдруулахаар сэтгэл шулуудсан байна.
