Санхүүгийн чиглэлээр мэргэжил эзэмшсэн Томас Корли 5 жилийн турш үргэлжилсэн судалгааныхаа явцдаа олон чухал мэдээллийг олж цуглуулсан нь эдгээр зөвлөмжийг хүргэх үндэс суурийг бүрэлдүүлсэн байна. Өөрийн хичээл зүтгэл, хүч хөдөлмөрөөр хөрөнгө босгосон чинээлэг хүмүүс дөнгөж санаагаа хэрэгжүүлж байх үедээ буюу саятан болохоосоо өмнө бүгд орлогынхоо 10-20 хувийг хадгалдаг байж таарсан гэнэ.

Мөн хөрөнгө өвлөж аваагүй, гагц өөрсдийн хүчээр хөлжсөн тэдгээр саятнуудын дийлэнх нь 50 болон түүнээс дээш настай байв.  

Өөрөөр хэлбэл, чинээлэг хүмүүс "хуримтлал" үүсгэх хэвшлээрээ өөр хоорондоо нийтлэг талтай нь ил болсон бөгөөд хүн хэдий чинээ эрт хөрөнгө хуримтлуулж эхэлнэ, төдий чинээ их хөрөнгө босгож чадах аж. 

Зохиолчийн онцолж буй өөр нэг санаа бол хүмүүсийг "орлогын нэг эх үүсвэрт найдахаас зайлсхийх" байлаа. Саятнуудын 65 хувь дор хаяж гурван чиглэлээс өнөөдрийн хөрөнгөө бий болгосон байдаг гэнэ.