Амьдрал нь аажим аажмаар хүнд болж эхэлсэн Гульнурын хувьд хүссэн ажлаа олно гэдэг туйлын хэцүү даваа байв. 

Тэрээр өдгөө дөнгөж 19 настай боловч олон жилийн өмнө аавыгаа алдаж, түүний дэргэд түшиж тулж байсан ээж нь цаг бусаар хорвоогоос хальснаар цор ганцаар хоцорчээ.

Хайртай хүмүүс нь түүнийг хэдийнээ орхисон учир амьдрахын тулд ажил хайхаас өөр сонголт үлдээгүй аж. 

Гоо бүсгүйн тэмцээнд амжилт үзүүлсэн нь түүний ажил хайх явцад дэм болж, хүмүүсийн анхаарлыг хялбархан татаж байсан ч Гульнурт ажил олгох санал бус, гэр бүлээс гадуурх амрагийн харилцаа тогтоох хүсэлтэй эрэгтэйчүүд олон таарсан байна.

Харамсалтай нь, эмэгтэй ажил олгогчид ч түүний гадаад төрхөөс болж бүсгүйг байгууллагадаа авахаас татгалзаж байв. 

Эцэс сүүлд нь залуу бүсгүйд кафед ажилд орохоос өөр арга үлдээгүй бөгөөд яг л бусад угаагч, зөөгчдийн адилаар бохирдсон аяга, таваг угааж, ногооны хальс арилгаж байгаа юм.

Хүний хийж чаддаг ажлыг тэр ч мөн хийж чадна хэмээн шийдсэн түүний сонголт олон охидын хувьд эр зориг шаардсан хүнд ажил билээ. 

Хүнд хэцүү боловч үнэнч шударга хөдөлмөрөөрөө амьдрах хүсэлтэй түүний энэхүү үйлдэл магадгүй өөд болсон эцэг эхийнх нь захиас байж болох юм. Гульнур охин амар хялбар арга зам сонголгүй, өөрийн хичээл зүтгэлээр амьдрах шийдвэр гаргасан нь дэлхий даяар гоо бүсгүйчүүдийг хөнгөн, явдалтайд тооцдог хэвшмэл ойлголт нь явцуу үзэл болохыг харуулж байна.