Рожер Баллен бол Өмнөд Африкийн Йоханнесбург хотод 1980 оноос хойш амьдарч буй геологич юм. Тэр цагаас эхлэн өнөөг хүрэх хугацаанд өөрийн зураг дарах авьяасыг олж нээжээ. Түүний зургууд уран сайхны элдэв чимэггүй бөгөөд бодит амьдралыг хар цагаан өнгөний хослолоор харуулна. Зурагт Өмнөд Африкийн ядуусын хороололд амьдардаг хүмүүс гарах ба тэдний дунд хөгжлийн бэрхшээлтэй, сэтгэц мэдрэлийн эмгэгтэй хүмүүс ч бий юм. Рожер өөрийн зургуудаараа дамжуулан хүнлэг оршихуйн абсурд талыг харуулахыг зорьдог байна. Зурагчин "Гэрэл зураг гэдэг толины тусгал л гэсэн үг" гэж тэмдэглэсэн юм. 

Түүний зургууд үзэгчийн ​​ухамсарыг ердийн, тав тухтай бүсээс таягдан гаргаж хаядаг.  Магадгүй нүд баясам сайхан биш байж болох юм. Гэвч ooyna нөлөөгөөр Рожер "Балленеск" хэмээх тусгай нэр томъёог гаргажээ. Энэ нь түүний Их Британийн  Thames & Hudson-оос эрхлэн гаргасан 350 хуудас бүхий гэрэл зургийн цомгийн нэр юм.

Рожер Балленд сэтгэл зүй, психоанализ хамгийн их нөлөөлсөн ба далд ухамсар бол хүний ​​зан байдлыг харах үнэхээр чухал арга гэж үздэг байна. Самуэль Бекетт мөн Рожерийн бүтээлч хэв маягт нөлөөлсөн. 

Тэрээр Өмнөд Африкийн хотуудад хаягдсан байшин дахь хачин сонин, сэтгэл хөдлөм үзэгдэл бүхий гэрэл зургуудаа авдаг. 

"Би гоо үзэсгэлэнд итгэдэггүй. Гэрэл зурагчны хувиар би хүмүүсийн төрхөөс өнгөлөн далдалдсан маск л олж хардаг. Тэрийг хуулж хаях нь миний ажил..." -Рожер Баллен