Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Нидерланд бол Европ тивийн нэгэн бяцхан улс бөгөөд бид ихэнхдээ алтанзул цэцэг, үзэсгэлэнт гудамж, оршин суугчдынх нь хөгжилтэй уламжлалаар нь мэддэг билээ. Гэсэн хэдий ч бидний мэддэггүй олон сонирхолтой зүйлс уг улсад байдгаас та бүхэнд сонирхуулъя.
Нидерландад төрсөн өдрийн баяр тэмдэглэх үеэр зөвхөн төрсөн өдрийн эзэн төдийгүй түүн дээр ирсэн бүх зочдод баяр хүргэж заншсан нь жуулчдад ойлгомжгүй санагдаж магадгүй юм. Тэдний уламжлалын дагуу та эхлээд тухайн цагийн гол баатартай гар барих ёстой бөгөөд дараа нь бүх хүмүүсийг тойрон "баяр хүргэе" гэсэн утгатай үг болох gefeliciteerd-ийг хэлэх ёстой байдаг ажээ.
Нидерландад эмч, анагаах ухааны талаар хошигнол байдаг: GP гэсэн товчлол буюу Ерөнхий эмч гэх үг нь "парацетамол аваарай" гэж орчуулагддаг ажээ. Энэ нь ерөнхий эмчийн өрөөнд ихэвчлэн сонсогддог зөвлөгөө юм. Парацетамол тус болохгүй тохиолдолд өвчтөнийг илүү нарийн мэргэжлийн эмч нарт илгээдэг байна.
Нидерланд бол дэлхийн хамгийн анхны гудамжны нохойгүй орон юм. Тус улсад амьтны эрх нэн чухалд тооцогддог. Энэ улсад гэрийн тэжээвэр амьтанд хариуцлагагүй хандах хандлагыг хатуу шийтгэдэг бөгөөд тэдний бие махбодид нь хохирол учруулсны төлөө эрүүгийн ял оноох тохиолдол байдаг байна.
Нидерланд бол хэд хэдэн хэсэгт хуваагддаг жижиг улс юм. Бельгийн хил дээр байдаг Барле-Нассау хэмээх жижиг хотод хоёр орны хилийн зурвас барилгууд дундуур гардаг байна. Тиймээс "хилийн" байрилгад амьдардаг хүмүүс 2 улсад нэгэн зэрэг амьдрах боломжтой байдаг ажээ.
Энэ нь бидэнд хачин санагдаж болох ч Нидерландын оршин суугчид хайртай хүмүүсийнхээ хөргийг бие засах өрөөнд өлгөх нь олонтаа. Нэмж дурдахад, ойр дотнын хүмүүсийнхээ амьдралын чухал өдрүүдийг мартахгүйн тулд авхаалжтай Нидерланд хүмүүс удахгүй болох бүх амралтын өдрийг харуулах тусгай хуанли өлгөдөг ажээ.
Нидерланд хүмүүс бол маш хэмнэлттэй ард түмэн. Үүний нотолгоо болох тэдний нэгэн шинэ бүтээл болох "лонх цэвэрлэгч"-ийг нэрлэж болно. Энэ нь шилэн доторх бүх үлдэгдлийг цуглуулах зориулалттай юм.
Дэлхий нийтээр Нидерланд, Амстердамыг эцэс төгсгөлгүй үдэшлэг, зугаа цэнгэлтэй холбож ойлгодог ч бодит байдал огт өөр гэнэ. Нидерландын ихэнх кафе, дэлгүүрүүд оройны 18 цагт хаадаг бөгөөд ням гарагт 12 цагаас өмнө энд өглөөний цай уух нь бараг боломжгүй зүйл байдаг ажээ.
Синтерклас бол Санта Клаусын Голланд хувилбар юм. Бидний мэдэх Санта Клаусыг Цасан охин, элфүүд дагалддаг бол Синтерклас ихэвчлэн Хар Питийн хамтаар ирдэг байна. Хар Пит хүүхдүүдэд бэлэг өгдөг төдийгүй дэггүй хүүхдүүдийг Испани руу авч явна хэмээн сүрдүүлдэг ажээ.
Нидерландын жижиг хот Хоутен бол бүрэн автомашингүй хотын жишээ юм. Хоутены оршин суугчид 1980-аад онд манай гаригийн байгаль орчинд хамгийн ээлтэй тээврийн хэрэгсэл болох унадаг дугуйг өргөнөөр ашиглаж эхлэх үед ийм ер бусын шийдэлд хүрсэн байна. Ийм үйл явдлын үр дүнд Хоутен хотод 15 жилийн хугацаанд ганц ч удаа авто осол гарч байгаагүй юм.
Амстердам дахь Рембрандтын гэр музейгээс XX зуун хүртэл тус улсад хэрэглэгдсэн хувцасны шүүгээ мэт орыг харж болно. Ийм ер бусын тавилганд Нидерландын оршин суугчид хагас босоо байрлалтай унтдаг байсан бөгөөд энэ нь залуу насыг уртасгах болно гэдэгт итгэдэг байжээ. Хөгшин хүмүүсийн хувьд цус харвалт, хурхиралтаас сэргийлэх үүднээс шүүгээнд унтахыг зөвлөдөг байсан гэнэ.
Нидерландад гамбургер, чизбургер зэрэг түргэн хоол төдийлөн алдартай биш бөгөөд үүнийг зуу гаруй янзын төмс орлодог. Мөн тэд Амстердам болон бусад жижиг хотуудын гудамжинд зардаг май загас, сонгино идэх дуртай байдаг ажээ.
Дундад зууны үед Нидерландын оршин суугчид шударга хүмүүсийн хувьд бусдаас нуух зүйлгүй гэдгээ хөршүүддээ нотлохыг хичээдэг байв. Энэ нь шалнаас тааз хүртэл цонхтой, хөшиг байхгүй Нидерланд хэв маягийг бий болгосон юм.
Нидерланд улс түүхэндээ байнгын үер, нэмэгдэж буй далайн түвшинтэй холбоотой байсаар ирсэн. Нидерланд иргэд үүнд нэг их санаа зовохгүй байгаа ч тус улсын хөрөнгөтнүүдийн нэг нь Дордрехт хотын ойролцоо өөрийн гэсэн Ноагийн хөлгийг бариулжээ.
Өглөө эрт хотын нөгөө зах руу дугуйтай цүнх барин ямар нэгэн чухал ажил хөөцөлддөг эмээ нар Нидерландад цөөнгүй байдаг. Гэсэн хэдий ч энэ улсад "эмээгийн цүнх" -ийг өдөр тутмын амьдралд зөвхөн эмээ нар өөрсдөө төдийгүй эрчүүд, тэр байтугай залуу охид ч ашигладаг. Үүнийг тэд boodschappentrolley гэж нэрлэдэг бөгөөд хүнс цуглуулах, дэлгүүр хэсэх гээд ямар ч тохиолдолд ашигладаг байна.
