1
Арьсны нүхэнд тань хуримтлагдсан шороо тоос болон будгийг цэвэрлэж өгнө
Халуун усны уур таны арьсны нүхийг тайвшруулж тэлэхэд хүргэдэг. Ийнхүү арьсны тань нүх сүв онгойх үед дотор нь хуримтлагдаж байсан тослог болон тоос шороо зэрэг гадагшилдаг байна. Арьсны нүхээ цэвэрлэснээр арьс тань өмнөхөөсөө илүү цэвэрхэн толигор харагдах болно.
2
Батга үүсгэдэг бактер болон үхсэн эсүүдийг цэвэрлэнэ
Арьс бол таны биеийн хамгийн том эрхтэн. Мөн биеийн тань бусад хэсгүүдтэй л адилаар арьс тань байнга нөхөн төлжиж байдаг бөгөөд үүнээс нь болоод арьсанд тань үхсэн эсүүд хуримтлагддаг байна. Эдгээр эсүүд нь ямар нэгэн хүнд өвчин үүсгэхгүй ч харагдах байдалд тань муугаар нөлөөлж, нүүрний арьс тань хүчилтөрөгчөө бүрэн хангаж чадахгүй байдалд хүрдэг. Нүүрээ уураар утсанаар энэхүү үхсэн эсүүдийг цэвэрлэж арьс тань илүү гэрэлтсэн харагдах болно.
3
Нүүрний арьс тань илүү их хүчилтөрөгчөөр хангагдах болно.
Нүүр нь амархан улайдаг хүмүүс нүүрээ уураар утахаас татгалзаж болох юм. Гэвч ийнхүү улайж буй шалтгаан нь нүүрний судаснууд тань тэлж ихээхэн хэмжээний хүчилтөрөгчөөр хангагдсанаас болдог байна. Тиймээс санаа зовох биш харин ч баярлах хэрэгтэй гэсэн үг.
4
Үрчлээ үүсэхээс сэргийлнэ.
Эмэгтэй хүн бүр л хөгшрөлт болон үрчлээнээс аль болох удаан хол явахыг хүсдэг. Мэдээж шинжлэх ухаанаар батлагдсан үрчлээнээс сэргийлэх арга бол коллаген юм. Гэвч та коллаген авах гэж дургүй зүйлээ хүчлэн иддэг бол танд нүүрээ уураар утахыг зөвлөж байна. Ийнхүү утсанаар цусны эргэлт хурдасч коллаген болон эластиний ялгарал нэмэгдэж үрчлээгүй зөөлөн булбарай арьстай байхад тань тус болох болно.
5
Арьс тань өөрөө чийглэг болж эхэлнэ.
Арьсандаа хуримтлагдсан тос болон бохирдлыг цэвэрлэж гаргаснаар бие тань арьсыг чийглэг байлгадаг тослогийг илүү их ялгаруулж эхэлдэг байна. Мөн утах явцад арьсны нэвчилт явуулах чадвар нэмэгддэг учир энэ хугацаанд ч арьсанд тань чийгшлийг өгч байдаг.
6
Арьс арчилгааны бүтээгдэхүүнийг илүү сайн шингээнэ.
Мэдээж ганцхан уталтаар бүх асуудлыг шийдчихгүй ч арьс арчилгаанд тань заавал байх ёстой зүйлсийг нэгт зүй ёсоор орох билээ. Арьсны нүх сүв тань чөлөөлөгдсөнөөр арьс тань илүү ихийг шингээх чадвартай болох бөгөөд цусны эргэлт нь сайжирсан тул таны өдөр бүр хэрэглэдэг бүтээгдэхүүнүүдэд өгөх хариу үйлдэл нь ч сайжрах юм.
Танд ч бас санал болгох үнэтэй зөвлөгөө байгаа бол сэтгэгдэл хэсэгт бидэнтэй хуваалцаарай.
