1 Орц:

• Тахианы шөл - 1 л
• Лаазалсан гахайн мах - 200 гр
• Зайдас - 4 ш
• Дүфү - 250 гр
• Эноки мөөг - 200 гр
• Хясаан мөөг - 200 гр
• Шитакэ мөөг - 100 гр
• Кимчи - 100 гр
• Бэлэн гоймон - 110 гр
• Усанд дэвтээсэн цагаан будааны боов - 50 гр
• Ногоон сонгино - 30 гр
• Бяслаг - 1-ээс 2 зүсэм

Сүмсний орц:

• Солонгос чинжүү (Гочугару) - 2 хоолны халбага
• Шар буурцагны цуу - 1 хоолны халбага
• Татсан сармис - 1 хоолны халбага
• Элсэн чихэр - хагас хоолны халбага
• Солонгос чинжүүний нухаш - хагас хоолны халбага
• Хар перц - хүссэн хэмжээгээр

2 Хийх дараалал:

Ихэнх орцоо (гоймон, будааны боов, ногоон сонгино, бяслаг зэргээс бусад) хоолны саванд хийж тавина. Дунд хэсэгт сүмсээ нэмнэ. Савны булангаас тахианы шөлөө хийгээрэй. Тагийг нь тавиад дунд хэмжээний гэл дээр 8 орчим минут буцалгаарай.

Дараа нь үлдсэн орцуудаа хийгээд таггүйгээр нь гоймонгоо болтол нь (2-3 минут) буцалгана. Эцэст нь галаа аажим аажмаар буулгах хэрэгтэй.

Ингээд Солонгос армийн гоймон бэлэн боллоо. Сайхан хооллоорой!