Канадын Скарборо хотын оршин суугч 60 жилийн турш Валентины баяраар эзэн нь үл мэдэгдэх ил захидал хүлээн авдаг байсан бөгөөд ил захидлууд Хонконг, Тунис, Австрали, Хавай, Гаити гээд дэлхийн олон орноос ирдэг байжээ. Үүнээс бүсгүй тэрхүү нууцлаг эрхмийг далайчин байх гэсэн таамаг дэвшүүлжээ.  

Мэрил анх 16 настайдаа тэрхүү нууцлаг захидлыг хүлээн авсан ч тухайн үедээ нэг их ач холбогдол өгөөгүй байна. Жилийн дараа дахин захидал ирэхэд түүнийг хөгшин эмэгтэй гэж хочилсон байв. Цаг хугацаа өнгөрөх тусам захидлууд улам л романтик болсоор.. Олон жил өнгөрч, бүсгүй хуримаа хийн аз жаргалтай амьдарч байсан ч үл таних эрхэм захидлуудаа илгээсээр байлаа. 

Мерил 1972 онд сэтгүүлчид өгсөн ярилцлагадаа "Би түүнийг захидлаа үргэлжлүүлэн явуулна гэж найдаж байна" хэмээжээ. Энэ олон жилийн турш түүнд захидал илгээсэн хүн хэн байж болохыг гагцхүү Мерил л таамаглах байх. Захидлууд дээр "хэн гэж бодож байна, мэдээж би л байна" гэж бичсэн байдаг байв. 

1988 онд Мерил зүрхний шигдээсээр хорвоог орхисон бөгөөд  тэр жил 60 дахь захидлаа хүлээн авсан юм. Нууцлаг эрхэм бүсгүйн оршуулгын ёслол руу өнөөх захидал бүхий цэцгийн баглааг илгээж, "Тайван нойрсдоо, хайрт минь" хэмээн бичжээ. Харин Мерил 60 жилийн турш тасралтгүй захидал илгээсэн, чин үнэнч хүнийг хэн байсныг тааж чадаагүй байна.