Одоогоос 40 жилийн өмнө Кумар Маханандиа, Шарлотта фон Шедвин нарын хайрын түүх эхэлсэн байна. 

Нэгэн зурхайчийн зөгнөн хэлснээр Кумар үхрийн ордонд төрсөн, алс холын хөгжимчин бүсгүйтэй гэрлэх байлаа. 

Нэг л өдөр зурхайчийн зөгнөл биеллээ олжээ. 

Тэр үед Кумар гудамжны зураач байсан бөгөөд нэгэн үзэсгэлэнтэй бүсгүй түүн дээр ирээд хөргөө зуруулахыг хүсжээ. 

Мөрөөдлийнхөө бүсгүйг харсан тэрээр сандарсандаа сайн зурж чадахгүй байсан учир түүнийг дараа дахин ирээрэй гэсэн байна. 

Бүсгүйг дахин ирэхэд Кумар хүлээж байсан хүн нь мөн гэдэгт бат итгэлтэй байлаа. 

Кумар бүсгүйд "Чи миний эхнэр болно. Бид хувь тавилангаар учирсан" гэж хэлжээ. Бүсгүй тухайн үед 19 настай байсан ч залуугийн шулуухан үгнээс эмээгээгүй аж. Тэд 3 долоо хоног болзсоны дараа бүсгүй Швед рүүгээ буцах болсон байна.

Жил хагас хол байсны эцэст зураач залуу бүх зүйлээ зараад унадаг дугуй худалдан авчээ. 

Бараг мөнгөгүй байсан тэрээр замд тааралдсан сайхан сэтгэлт хүмүүсийн тусламжтайгаар Энэтхэгээс Швед хүртэл 9600 километр замыг дугуйгаар туулж,  сэтгэлт бүсгүй Шарлотт дээрээ иржээ. 

Ингээд дурлалт хосууд хуримаа хийж 40 жилийн турш хамт амьдарч байна. 

Хосууд одоо 2 хүүхэдтэй, жаргалтай амьдарч байгаа аж.