Эрчүүдийн хувьд 1 удаад идэх хоолны хэмжээ нь 2 алганы хэмжээнээс хэтрэхгүй байх
Эмэгтэйчүүдийн хувьд 1 удаад идэх хоолны хэмжээ нь 1 алганы хэмжээнээс хэтрэхгүй байх
1
Уураг - Алганы чинээг
Таны алга хэр их уураг хэрэглэх ёстойг заана. Уургийн өндөр агууламжтай тахианы цээж мах, өндөг, загас, бяслаг, тараг зэрэг хүнс эрүүл хүнс боловч хэтрүүлэн хэрэглэж болохгүй. Тиймээс нэг алганы хэмжээтэй хэрэглэвэл зохино.
2
Нүүрс ус – Нударганы хэмжээтэйг
Талх, овьёос, будаа, төмс, үр тарианы гаралтай бүтээгдэхүүн зэрэг нүүрс усаар баялаг хүнсийг зангидсан нударганы хэмжээнээс илүү хэрэглэж болохгүй. Ингэснээр биед шингээж авах эрдсийн хэмжээг хянаж, жин нэмэхээс сэргийлнэ.
Эрчүүдийн хувьд 2 гараа салаавчлан атгахад идэх ёстой үр тарианы хэмжээ гарч ирнэ. Харин эмэгтэйчүүдийн хувьд нэг атгасан гарны хэмжээтэй байхад болно.
3
Сүү цагаан идээ – 2 хуруу
Бяслаг үнэхээр амттай ч гэсэн хэтрүүлж идвэл эрүүл мэндэд тийм ч сайн биш. 2 хурууны хэмжээтэй бяслаг идэх нь таны эрүүл мэнд болон бие галбирт тань тустай байх болно.
4
Өөх тос – Хурууны өндөг
Өдөрт их хэмжээний өөх тос хэрэглэх шаардлагагүй. Тиймээс өдөрт дээд тал нь 1 хурууны өндөг хиртэй өөх тос хэрэглэж байгаарай.
5
Жимс, ногоо – 2 атга
Шинэхэн, хөлдөөсөн, зүссэн гээд ямар ч жимс, ногоог өөрийнхөө 2 атганд багтах хэмжээгээр идвэл зохино. Харин жимс ногооны смүүти болон шүүсний хувьд өдөрт 150 мл хэрэглэхэд хангалттай. Учир нь шингэн төлөвт орохоороо түүхий төлөвөөсөө илүү их сахар агуулдаг байна.
6
Чихэрлэг хүнс – Эрхий хурууны өндөг
Чихэр, шоколад, жимсний чанамал, самрын тос зэрэг чихэрлэг зүйлс их хэмжээний сахар агуулдаг. Мэдээж амттай ч гэсэн хүний бие их хэмжээний сахар хүлээж авахад бэлэн биш байдаг байна. Тиймээс өдөрт 1 эрхий хурууны хэмжээтэй идэж, хэтрүүлэхгүй хэрэглэж заншаарай.
7
Амттан – атгасан гар
Мөхөөлдөс, бялуу, жигнэмэг зэрэг бусад амттанг бас л хэмжээ хязгаартай хэрэглэвэл зохино. Дуртай амттангаа атгасан гарны хэмжээнээс илүү хэрэглэж болохгүй шүү.
Ингээд та бүхэн хэр их хэмжээний хоол хүнс идэх ёстойгоо мэддэг боллоо.
