Тус хөтөлбөрт Улаанбаатар хотын ЕБС-ийн 6-8 ангийн нийт 200 гаруй сурагчид идэвхтэй оролцсон бөгөөд шилдэг 17 сурагч Монголын Оюун Ухааны академийн 7 сарын турш үргэлжлэх ой тогтоолтын сургалтад 100% үнэ төлбөргүй хамрагдах эрхийн эзэн болсон юм.

Хөтөлбөрийн эхний шатны шалгаруулалтад сурагчид “ПИЦЦА ХАТААС ОЛГОСОН БОЛОМЖОО ХЭРХЭН АШИГЛАХ ВЭ?” сэдвийн дор зохион бичлэгээ сошиал хуудсаар илгээн оролцсон бол хоёрдугаар шатны шалгаруулалтад тусгайлан бэлдсэн ой тогтоолтын сорилыг авч шилдэг 30 оролцогчийг тодруулсан байна. Эцсийн шалгаруулалтад Оюун Ухааны академи болон Пицца Хат брэндийн төлөөллүүдээс бүрдсэн шүүгчдийн баг сурагчийн эцэг эх болон сурагчидтай ярилцлага хийн шилдэг оролцогчдыг шалгарууллаа.

Пицца хат брэнд нь “Ирээдүйн ой тогтоолтын тамирчид” хөтөлбөрт нийтдээ 20 гаруй сая төгрөгөөр ивээн тэтгэн Монголын ирээдүй болсон сурагчдын оюунд хөрөнгө оруулалт хийсэн байна.

Тус хөтөлбөрийн шалгаруулалтад тэнцсэн Ой тогтоолтын спортоор хичээллэх нийт сурагчдадаа сурлагын өндөр амжилт хүсье!