Өмнөд Африкийн Порт Элизабет хотын ойролцоо байрлах нэгэн ферм хэмнэлт гаргах үүднээс үхрүүдээ гадагш гаргалгүй хэдэн сарын турш хашжээ. Улмаар үхрүүд нь тэсэж чадалгүй хашаагаа эвдэн гарч, зэргэлдээх хот руугаа дайрсан байна.

Эдгээр улангассан үхрүүд замдаа таарсан бүхнийг сүйтгэж, хэдэн арван машиныг мөргөж, ихээхэн хэмжээний хохирлыг учруулжээ. Гэхдээ азаар тэд хүмүүсийг гэмтээгээгүй гэнэ.

Тэдний энэхүү "бослого"-ын зургийг 59 настай, Люк Хостэн хэмээх эр авсан бөгөөд түүний дарсан зургууд цахим ертөнцөд шуугиан тариад байна.

Үнэхээр ч өмнө нь үхрүүд ийм авир гаргаж байхыг хэн ч хараагүй биз ээ. Люк Хостэн "Би эдгээр зургуудыг авч байхдаа айж байсан ч бас инээд хүрч байсан" гэж хэлжээ.

Азаар орон нутгийн зэрлэг амьтан хамгаалах байгууллагынхан тэдгээр үхрүүдийг унтуулах сумаар буудаж, тайвшруулсан бөгөөд бүгдийг нь фермд нь буцааж өгчээ. Гэвч үхрүүдийн энэхүү бослогын улмаас нийт 500 мянган ам.долларын хохирол учирсан байна.