1
Гутлаа хөлдөөгчинд хий
Хэрвээ та өндөр өсгийт өмсөхөөр шийдсэн бол гутлаа 30 минутын турш хөлдөөгчинд хийгээрэй. Харин дараа нь гаргаж өмсөхөд халуун хөл хүйтэн гуталд орох үед гутал таны хөлийн хэлбэрт таарч хэв орох болно. Үүнээс гадна уутан дотор ус хийгээд гутал дотроо хийж усаа хөлдөх хүртэл гутлаа хөлдөөгчинд хийх боломжтой.
2
Оймсоо халуун усанд дүрэх
Оймсоо халуун усанд дүрж өндөр өсгийт өмсөхөөс өмнө оймсоо өмсөөрэй. Та гадагш гарахаасаа өмнө энэ аргыг хэрэглэж гутлаа хөлд эвтэйхэн болгоорой.
3
Хоёр талдаа наалттай тууз
Энэ туузыг хөл болон гутал дээрээ наагаарай. Энэ нь гутал дотор хөл холхихгүй байхад тустай бөгөөд хөл цэврүүтэхгүй гэсэн үг юм.
4
Улавч хэрэглэ
Силикон ч бай, даавуу нь ч бай улавч нь таны хөлийг гутал дотор гулгахгүй байхад туслана. Хэрвээ та онгорхой гуталтай бол силикон улавч илүү тохиромжтой.
5
Чийгшүүлэгч тос
Гутлынхаа дотор талд нь чийгшүүлэгч тос түрхэх нь гуталд төрөл бүрийн зураас үүсэхээс сэргийлнэ.
6
Тальк
Тальк нь хөл хөлрөх, гулгах зэргээс хамгаалахаас гадна цэврүү үүсэхээс сэргийлнэ.
7
Хуруугаа скочоор ороох
Та хөлийн дунд болон долоовор хуруугаа нийлүүлж скочоор ороож болох юм. Энэ хоёр хуруун дээр хамгийн их даралт ирж хөлийг өвтгөдөг байна.
8
Гутлаа бүү тайл
Хэрвээ та хөлөө амраах зорилгоор гутлаа тайлдаг бол дараагийн удаа битгий тайлаарай. Таны хөл хөөсөн байдаг учир дахин гутлаа өмсөх үед таагүй мэдрэмж төрүүлнэ.
9
Гэртээ өмсөж дасга
Та өндөр өсгийт өмсөхөөр шийдсэн бол эхний долоо хоног гэртээ өмсөж байгаарай. Ялангуяа шинэ гутал өмсөхийнхөө өмнө энэ аргыг ашиглаж, гутлаа хөлийнхөө хэвэнд тааруулах нь зүйтэй.
10
Аль болох бага зогс
Та бага багаар үргэлж алхах хэрэгтэй. Удаан хугацааны туршид зогсох нь хөлний өвдөлтийг илүү мэдрүүлэх болно. Мөн та хөлөө амраагаад бага зэрэг сууж болох хэдий ч гутлаа тайлж болохгүй гэдгийг битгий мартаарай.
11
Хэт өндөр өсгийтөөс татгалз
Хэрвээ та өмнө нь өндөр өсгийт өмсөж байгаагүй бол хэт өндөр өсгийтэй гутал өмсөхөөс зайлсхийгээрэй. Эхний ээлжинд намхан, өргөн өсгийтэй гутал сонгохыг зөвлөж байна. Үүнээс гадна урд хэсэгтээ бага зэрэг өндөрлөгөөтэй гутал сонгож болно.
12
Үнэр дарагч түрх
Хөл болон гутал хамгийн их шүргэлцдэг газарт үнэр дарагч түрхэж болно. Ингэснээр гуталд үрэгдэж, цэврүүтэхээс сэргийлж чадна.
