Анх 13 настайдаа дуучны карьераа эхлүүлж, алдартай од болсон үеэс эхлэн олон мянган шүтэн бишрэгчдийн хайр хүндэтгэл, хэдэн сая долларын хөрөнгө, хэвлэл мэдээлэл гэх мэт зүйлс түүний сэтгэл зүйд сөргөөр нөлөөлж, 20 нас хүрэхэд тэрээр сэтгэл гутралд орох болсон байна.

Тэрээр “Би 19 наснаасаа хар тамхи хэрэглэж эхэлсэн. Бас бүх харилцаагаа урвуулан ашигладаг болсон. Эмэгтэйчүүдэд гар хүрч, уурлаж уцаарлаж, тэднийг хүндэтгэхээ ч больсон. Намайг хайрладаг бүх хүнээс холдож, энэ бүхэн хэзээ ч өөрчлөгдөхгүй юм шиг л аашилсаар байлаа. Олон жил ингэж амьдарсны эцэст би амьдралаа өөрчлөх хэрэгтэйг ухаарсан. Азаар миний дэргэд намайг яг байгаагаар нь хайрладаг хүмүүс байсан юм” хэмээн бичжээ.

Мөн тэрбээр өсвөр насандаа энэ их дарамтыг тэсвэрлэхэд ямар хэцүү байснаа ч дурджээ.

"Өсвөр насны оддын амьдралын статистикийг та харж байсан уу? Тэдэнд насанд нь ахадсан үүрэг хариуцлага тулгах нь маш их дарамт болдог, яагаад гэвэл оюун санаа, сэтгэл зүйн хувьд энэ бүгдийг хүлээж авахаар түвшинд хүрээгүй байдаг юм" хэмээн тайлбарлажээ.

Эцэст нь эхнэр болох Хейли Болдуинд хандан “түүний энэ их тэвчээр, үнэнч зан, эелдэг даруу байдал намайг энэ бүгдийг ухаарч сайн хүн болоход тусалсан” хэмээн талархал илэрхийлсэн байна.