Тэмцээний турш түүнийг үзэгчид шүүмжилж байсан юм. Түүнийг тэмцээн зохион байгуулагч нар өрөвдсөндөө сүүлийн шатанд орууллаа хэмээн тэд дургүйцэж байжээ. Учир нь Киара Борди өрөөсөн хөлгүй юм.

Тэрбээр 13 настай байхдаа автомашины осолд орж зүүн хөлөө тайруулж байжээ.  Гэхдээ багаасаа загвар өмсөгч болохыг мөрөөддөг байсан тэрбээр энэ золгүй явдлаас болоод зорилгоосоо буцсангүй. Киара одоо хиймэл хөл ашиглахаас өөр аргагүй ч өндөр өсгийтэй гутал дээр төвөггүй явж чаддаг аж.

Тэрбээр "Мodels of Diversity" хэмээх загварын агентлагтай гэрээ байгуулсан байна. Тус загварын агентлаг нь хөгжлийн бэрхшээлтэй загвар өмсөгчидтэй голчлон ажилладаг юм.

Киара спортоор хичээллэдгээс гадна мэс заслын эмч болих зорилго тавьжээ.

Тэрбээр 2018 оны Италийн миссийн тэмцээнд ялах гэж бус өөрийгөө мэдрэхийн тулд оролцсон гэнэ.

Энэ тухай Киара "Би хөлгүй байж болно. Гэхдээ би зүрх, тархигүй биш" гэж хэлсэн байна.