1
Кафе
Эндэхийн кафенууд бүгд 15 цаг гээд хаалгаа барьдаг. Түүнчлэн пабууд нь оройн хоолны цаг хүртэл хоол гаргадаггүй байна.
2
Хагас үнэ
Долоо хоног бүрийн нэг өдөр дэлгүүрүүд нь ямар нэг барааг хагас үнээр нь худалддаг. Тэдгээр бараанууд нь эрэлттэйн дээр шинэхэн байдаг нь сонин. Ингэснээр тэд хэрэглэгчдийн эрэлтийг хангаж байна гэж үздэг юм.
3
Имжийн мах
Та имжийн махыг төрөл бүрийн хэлбэрээр хаанаас ч худалдан авч болно. Хамгийн сонирхолтой нь имжийг тэжээж үржүүлэх нь хуулиар хориглогдсон байдаг. Тиймээс зарагдаж байгаа мах нь бүгд ангийн мах гэсэн үг юм.
4
Харшил
Олон австраличууд үнээний сүү, самар, цавуулагтай хүнсний харшилтай байдаг учраас шар буурцагны сүү, цавуулаггүй талхны хэрэглээ маш өндөр бөгөөд бас бүх төрлийн самарнаас татгалздаг аж.
5
Спорт
Австралийн хаа ч очсон хүмүүс үргэлж спортоор хичээллэж байхыг та харах болно. Эндэхийн иргэн бүр өдөрт 30 минутын турш идэвхтэй хөдөлгөөн хийдэг бөгөөд зөвхөн хүнд өвчтэй эсвэл өндөр настай хүмүүс долоо хоногт 3 удаа спортоор хичээллэдэг гэнэ.
6
Согтууруулах ундаа
Хэрвээ та боломжийн үнэтэй импортын архи ууя гэвэл "Duty Free" дэлгүүрээр л үйлчлүүлэх хэрэгтэй. Учир нь Австрали улс импортын согтууруулах ундаанд өндөр татвар тавьдаг учраас гадаад архинууд нь итгэмээргүй үнэтэй байдаг.
7
Хонины нэхий
Австралид шинээр төрсөн хүүхэд бүрд хонины нэхий өгдөг уламжлалтай. Тэр нэхийгээр нь балчир байхад нь өлгий болгож ашигладаг бол бол том болсон хойно нь гэрт нь дэвсгэр болгон тавьдаг байна.
8
UGG
Австралид улирлууд нь манайхаас яг эсрэгээрээ байдаг. Жишээ нь 12-оос 1-р сар хүртэл зун байдаг бол 6-аас 8-р сар хүртэл өвөл болдог аж. Мөн эндэхийн агаарын температур хэзээ ч хасах хэм рүү ордоггүй учраас нэгдсэн халаалтын систем гэж байдаггүй. Гэхдээ өвлийн улиралд нутгийн иргэд их даардаг учраас гэртээ "Агг" гутал өмсөх нь элбэг үзэгдэл юм.
9
Бэлэг дурсгал
Хэрэв та Австралиас буцах гэж буй бол зөв бэлэг дурсгалын зүйлсээ сонгож авч явах хэрэгтэй. Тэдгээр нь Агг гутал, замын тэмдэг, жимсний "vegemite" чанамал, пивоны хөргүүр зэрэг юм.
10
Углааш
Австраличууд углааш өмсөх дуртай. Тэд ер нь пүүз болон углааш гэсэн 2-хон төрлийн гуталтай байдаг.
11
Ажил, амралт
Австраличууд тийм ч ажилсаг хүмүүс биш. Зарим нь бүр нэмэгдэл цалин өгнө гэсэн ч амралтын өдөр ажилладаггүй. Тэд амрах үедээ далайн эрэг рүү явах юмуу шорлог хийх дуртай.
12
Танихгүй хүмүүс
Австраличууд танихгүй хүмүүстэй хаана ч явсан мэндэлдэг. Ийм үзэгдэл том хотуудад ч элбэг тааралдана.
13
Уксус
Далайн эргийн наран шарлага бүр дээр шуудангийн хайрцагтай адил сав байдаг. Энд уксус хадгалагдаж байдаг бөгөөд үүгээр далайн залхагт хатгуулсан хүнийг эмчилдэг гэнэ.
14
Синхрон төрөлт
Австраличуудын дунд "Синхрон төрөлт" гэдэг ойлголт байдаг. Энэ нь хамаатны залуухан эмэгтэйчүүд ойролцоо хугацаанд жирэмсэн болж хүүхэд төрүүлэхийг хэлж байгаа юм. Ингэснээр төрсөн хүүхдүүд нь нэгэн зэрэг өсөж торнин хамтдаа тоглож, нэг нэгэндээ тус дэм болдог аж. Мөн австрали эмэгтэйчүүдийн жирэмсний амралт 5 жил байдаг учраас энэ хооронд нэгээс илүү хүүхэд гаргах нь хэвийн үзэгдэл байдаг юм.
15
Цэрэг арми
Австралийн арми алба хаагч нарынхаа хөх томруулахаас эхлээд хүйсээ солиулах хүртэлх гоо сайхны хагалгааны зардлыг даадаг юм. Тухайн албан хаагч өөрийн гадаад үзэмждээ санаа зовсноос болоод сэтгэлээр унаж магадгүй хэмээн үздэг учраас ингэхийг зөвшөөрдөг байна.
