1
Скинни өмд
Скинни жийнсний тал дээр загварынхан үргэлж маргалдаж байдаг. Зарим нь энэхүү загварыг классик гэж үзэж бүхий л цаг үед трэнд хэвээр байх болно гэдэг бол зарим нь скинни жийнс аль хэдийн үеэ өнгөрөөсөн гэж ярих нь бий.
Харин энэ жил скинни жийнсний залгамж халааг уранхай ихтэй “boyfriend" жийнс, трапец өмд, өргөн загвартай "ээжийн" жийнс зэрэг авсан гэнэ. 2019 оны зуны улирлын хувьд скинни жийнсийг загварлаг бус, хуучирсан хувцаслалтын төрөлд оруулсан байна.
2
Дугуй хоншоортой баллерина
Моодноос гарч буй гуталуудын тоонд дугуй хоншоортой балерина багтсан аж. Улирал бүр загвар зохион бүтээгчид бүсгүйчүүдийг энэхүү үеэ өнгөрөөсөн гуталнаас татгалзуулахыг хичээж байгаа бөгөөд энэ нь ч амжилттай болж өдгөө хурц хоншоортой гутал моодонд оржээ.
3
Дэрвэгэр банзал
Загварлаг эмэгтэй бүр Кэрри Брэдшоу гэж хэн болох, түүний ямар хувцаслалт дэлхий даяар алдартай болсон талаар мэдэж байгаа биз. Бүсгүйн өмсдөг дэрвэгэр, урт банзал нь хувцас загварын түүхэнд гайхалтай өөрчлөлтийг авчирсан байна. Гэвч 2019 оны зун энэхүү хувцаслалтыг хуучирсан хэмээн үзэж харин хуниастай банзал энэ жилийн трэнд болж байгаа аж.
4
Том лого бүхий хувцас
Сүүлийн жилүүдэд дээрээ том хэмжээний лого бүхий футболка, даашинз, цамц, өмдийг ихээр үйлдвэрлэх болсон билээ. Гэвч энэ зун том логотой хувцас моодноос гарч харин нүдэнд үзэгдэхгүй шахам жижиг лого бүхий хувцас моодонд оржээ.
5
Дугуй хэлбэртэй бүсэлхийний цүнх
Өнгөрсөн жил эмэгтэй хүн бүр бүсэлхийний дугуй цүнхээрээ гайхуулах боломжтой байсан. Гэвч 2019 оны зун энэхүү загварыг мартагдахад хүргэсэн бөгөөд бүсгүйчүүдийн хувцасны шүүгээнд байх ёсгүй зүйлийн тоонд багтсан байна.
