1
“Сүүлчийн зоог” уран зураг дахь хөгжмийн нот
Да Винчигийн уран зургууд нууцлаг утгатай, кодчилолтой байдгаараа алдартай билээ. Италийн компьютер техникч “Сүүлчийн зоог” уран зураг дээрх талхны хэрчмүүдийг холбоход хөгжмийн нот болж байгааг тайлжээ. Бүр ч илүү гайхшруулсан зүйл нь нотыг ухрааж тоглоход гайхалтай төгс хөгжмийн аялгуу гарсан байна.
2
Зургаас арилсан халим
Цаг хугацааны явцад эртний уран зураг дээрх нарийн деталууд арилж хүний нүдэнд харагдахгүй болох тохиолдол бий. Жишээлбэл, "Scheveningen Sands" уран зургийг 2014 онд сэргээн засварлах хүртэл зурган дээр дүрслэгдсэн хүмүүс юунд харцаа хандуулж зогссон нь тодорхойгүй байсан юм. Харин олон жил дагтаршсан хөө тортгийг арилгахад зургийн төв хэсэгт халим байсан нь ил болжээ.
3
Зураачийн өөрийн тусгал
Зураачид бүтээлдээ өөрийгөө зурж үлдээх нь тийм ч түгээмэл биш байх. Гэхдээ зарим тохиолдолд бид түүнийг нь зүгээр л анзаараагүй олон жил болсон ч юм билүү. Мэргэжилтнүүд удаан хугацаанд дүн шинжилгээ хийсний үр дүнд Карваггиогийн өвөрмөц хөрөг зургийг түүний хамгийн алдартай бүтээлээс олжээ. Тэрбээр дарсны жүнзэнд өөрийгөө суугаа байдалтайгаар дүрсэлсэн байна.
4
Уран зурагт нуугдсан Грекийн домог
Уран зураач Вүүдийн зурсан тариачин хосын зураг онцлох юмгүй энгийн харагдаж байж мэдэх л юм. Гэхдээ нарийн ажиглавал эмэгтэйн энгэрийн зүүлтэд үхэгсдийн орны хаан Хадены гарт олзлогдсон грекийн охин тэнгэр Персефонаг дүрсэлсэн байна. Харин тариачин эр Хаде хааны зураглалд ихээхэн дүрслэгддэг хадуур сэрээ барьсан нь энгийн нэг тохиолдол биш бололтой.
5
Төсөөллийн цэцэгс
Алдартай уран зураачдын чимхлүүр детал бүрийг гайхалтай нарийн гаргаж чаддаг авьяасыг бишрээд баршгүй. Уран зураач Сандро Боттичелли "La Primavera" бүтээлдээ гайхалтай нарийн зураглалтай 500 орчим төрөл зүйлийн ургамал, цэцгийг дүрслэн зуржээ. Хамгийн хачирхалтай нь тэдгээр нь бодитоор байдаггүй ба бүгд зураачийн оюун санаанаас л урган гарчээ.
6
Микеланжелогийн уран зураг дахь анатоми
Микеланжело нь чадварлаг уран бүтээлч төдийгүй хүний биеийн бүтцийг гайхалтай дүрсэлж чаддаг суутан юм. “Адамыг бүтээсэн нь” уран зурагт бурхны нөмрөгийн ерөнхий хэлбэр нь хүний тархитай тун төстэй харагддаг. Тэрбээр тухайн цаг үеийн сүмийн дэг жаягийг эрс шүүмжилдэг нэгэн байсан ба өөрийн бүтээлүүдээрээ эсэргүүцлээ илэрхийлдэг байсан ч байж мэдэх юм.
7
Хөгшин загасчны 2 өөр төрх
Уран зургийг хаанаас харж байгаагаас хамаарч таны харах өнцөг өөрчлөгдөж байдаг. Шонтери Коскас /Csontváry Kosztka/-ийн хөгшин загасчин эр бүтээлийг голоор нь толинд тусгаж харвал нэг дор хоёр түүхийг өгүүлж байгаа нь харагддаг. Нэг талд нь гэмгүй эр аминчлан залбирч байгаа бол нөгөө талд нь далайн шуурган дунд зогсож байгаа чөтгөр дүрслэгдсэн байна.
8
Харь гарагийн нисдэг биет
“Гэгээн Живаннио болон Маддона” нь этгээд хачин зураглалтай уран зурагт зүй ёсоор багтдаг. Мэргэжилтнүүд үүнийг хэний бүтээл вэ гэдэг дээр нилээн маргадаг. Мөн уг зургийн баруун дээд булан дахь харь гарагийн зүйл олны анхаарлыг маш их татдаг билээ. Уран зураач энэхүү дүрслэлээрээ сансар огторгуйд зөвхөн хүн төрөлхтөн амьдардаггүй гэдгийг харуулах гэсэн юм болов уу?
9
Орчин цагийн “Сүүлчийн зоог”
Ван Гогийн “Шөнийн кафе” бүтээлийг зэрвэс харахад хэтэрхий энгийн гэмээр зураглалтай санагддаг. Гэхдээ нарийн ажиглавал уг бүтээлээр Ван Го алдарт “Сүүлчийн зоог” бүтээлийг шинэчлэн зурсан болох нь ажиглагддаг. Цонхны өмнө зогсож буй цагаан хувцастай зөөгч загалмайг төлөөлж, эргэн тойрных нь хүмүүс түүнийг тойрон хүрээлж байгаа нь харагдаж байна.
10
Далд нуугдсан чөтгөрийн төрх
Италийн Ассиси сүмийн зураач Гиоттогийн бүтээлийг дахин сэргээх явцад хавтан дээрх зураглалын үүлэн дундаас чөтгөрийн царайг олжээ. Мэргэжилтнүүд үүнийг Гиоттогийн дэггүйттэл гэж дүгнэдэг бол зарим нь дүргүй хүмүүсээ ингэж албаар чадсан байх гэж таамагладаг. Харин та эдгээр тайллыг хэрхэн дүгнэж байна вэ? Ямар нэгэн далд утга илэрхийлэх гэж санаатайгаар зурсан уу эсвэл зүгээр л нэг тохиолдол юм болов уу?
