1
Мөр, хүзүү
Стрессээс шалтгаалан мөр, хүзүүний булчин чангарч агшдаг. Жишээ нь хүн стресстэх үед өөрийн мэдэлгүй мөрөө өргөдөг бөгөөд тийм байрлалын улмаас мөр, хүзүүний булчин чангарч, улмаар өвчин ордог байна.
2
Толгой
Стресстэх үед ихэвчлэн толгой таллаж юмуу дүйрч өвддөг шүү дээ. Стрессийн үед хүний биеийн ялгаруулсан химийн бодиснууд нөлөөлж байгаа нь тэр аж. Тэдгээр бодисууд нь тархин дахь мэдрэлийн болон цусны судаснуудад нөлөө үзүүлдэг байна.
3
Гэдэс
Сэтгэл санааны байдалд бидний гэдэс хамгийн эхэнд хариу үйлдэл үзүүлдэг. Эрдэмтдийн үздэгээр стресс нь хүний нарийн, бүдүүн гэдсэн дэх бичил биетүүдийн ажиллагааг өөрчилдөг ажээ. Тодруулбал стрессээс шалтгаалан хоол боловсруулах хүчлийн ялгарал ихэсгэдэг байна.
4
Нуруу
Стресс ихтэй үед хүмүүс өөрсдийн зуршил, зан ааш, тэр ч байтугай алхаа гишгээ, хэрхэн унтах, хэрхэн суух зэргээ өөрчлөх хандлагатай байдаг. Эдгээр нь нурууны булчинд муу нөлөө үзүүлдэг аж.
5
Эрүү
Та унтаж байхдаа шүдээ хавирдаг уу? Хэрэв тийм бол түүний хамгийн том шалтгаан нь стресс байх боломжтой. Стрессийн улмаас эрүүний хамгийн том булчин чангарч эрүүг хоёр тийш нь хөдөлгөж эхэлдэг байна.
6
Арьс
Сэтгэл санааны тогтворгүй байдлаас болж ялгарсан "стрессийн даавар" нь арьсыг маш мэдрэмтгий болгодог. Мөн тэрхүү даавар нь арьсны тосны булчирхайг идэвхжүүлснээр арьсны нүх сүв бөглөрөн тослогтож, улмаар батга гарах нөхцлийг бүрдүүлдэг аж.
7
Нойр булчирхай
Архаг стрессийн нөхцөл байдалд хүний бие илүү их инсулин ялгаруулахын тулд нойр булчирхайнд дохио өгдөг байна. Инсулины хэт их ялгарал нь артерийн судсыг гэмтээх, жин нэмэхэд нөлөөлөх, чихрийн шижин үүсгэх нөхцлийг бүрдүүлэх аюултай.
8
Үе мөч, булчин, яс
Үе мөч, булчин өвдөх нь мөн л стресстэй холбоотой байж болно. Ерөнхийдөө сэтгэл санааны хямралд орох нь биеийн бүхий л хэсгийн өвчин эмгэгийг үүсгэдэг болохыг судалсан олон ажил бий.
9
Зүрх
Сэтгэлээр унаснаас үүдсэн стресс цусны даралтыг ихэсгэж, зүрхэнд нөлөөлөх боломжтой. Удаан хугацаанд стресстэх нь зүрхний цохилтын хэмнэлийг өөрчилж зүрхний шигдээс болох аюулыг улам л ойртуулж байдаг.
10
Дархлааны систем
Стресстэх үед биеийн ялгаруулсан химийн бодисууд дархлааны системийн ажиллагаанд хсаад учруулж, цусан дахь тунгалаг эсний тоог багасгадаг аж.
11
Биеэ хайрлаарай
Стресс үүсгэгч хүчин зүйлсээс бид тэр болгон амархан ангижирч чадахгүй ч стрессээс биеийн эрүүл мэндээ хамгаалж чадна. Үүний тулд:
- Бясалгах. Чимээгүй газар суугаад амьдралдаа тохиолдсон жаргалтай мөчөө эргэн санаж, түүндээ хэдэн минутын турш төвлөрөн бодоорой. Хэдийгээр эхэндээ хялбар биш байсан ч гэсэн өдөрт хоёр удаа ингэж бясалгаснаар та стрессээс шалтгаалсан физикийн болон оюун санааны зовуураас ангижирч чадна.
- Иллэг хийх. Мэргэжлийн массаж хийлгэх нь гайхалтай үр дүн үзүүлдэг. Гэхдээ энгийн өөртөө хийх иллэг ч таныг тайвшруулж чадна.
- Дасгал хөдөлгөөн хийх. Биеийн идэвхтэй хөдөлгөөн хйиснээр эндорфин буюу аз жаргалын даавар биед ялгардаг.
