1 Боловсруулсан сахараас татгалзах

Боловсруулсан сахар болон химийн гаралтай амт оруулагч нь хүний биеийн бодисын солилцоог хааж, цусанд хэт их глюкоз үүсгэдэг. Үр дүнд нь илүүдэл жинтэй болж, цаашлаад зүрх судасны өвчин, чихрийн шижин тусах нөхцлийг бүрдүүлж өгдөг байна. Иймд тэдгээрийг органик бор сахар, агч модны шүүс болон бусад байгалийн гаралтай амт оруулагчаар солих хэрэгтэй аж. 

2 Нүүрсэн эм уух

Нүүрсэн эм буюу идэвхжүүлсэн нүүрс нь ямар ч хүчилтөрөгчгүй, мөн шингээгч чанар сайтай байдгаараа онцлог. Тийм учраас нүүрсэн эм нь биед байгаа ихэнх хор, токсинууд, хүнд металлуудыг зайлуулж чаддаг. Согтууруулах ундаа болон махан бүтээгдэхүүн хэрэглэхийн өмнө нүүрсэн эмийг уух нь зүйтэй.

3 Улаан дарс уух

Алкохол агуулсан ундаа биеийн хор гадагшлуулахад тустай гэвэл хачирхалтай сонсогдох байх. Гэвч өдөрт нэг хундага улаан дарс ууснаар бие дэх холестеролын түвшин тогтворжиж тэр ч байтугай шээсний сувгийн үрэвсэл  дарагддаг гэдэг нь олон удаагийн судалгаа, туршилтаар тодорхой болжээ.

4 Өглөөний цайнд кофе биш ногоон цай уух

Ямар ч кофе, ялангуяа шүүгээгүй кофе нь бие дэх холестеролын түвшинг ихэсгэдэг "кафестол" гэдэг бодисыг агуулдаг байна. Иймд өглөөний цайндаа кофений оронд ногоон цай гэх мэтийн өвс ургамлын гаралтай цайг хэрэглэхийг зөвлөж байна. 

5 Саунд суух, дасгал хөдөлгөөн хийх

Хөлрөх нь биеийг хорт бодисоос ангижруулах байгалиас заяасан процесс юм. Тиймээс саунд суух болон дасгал хийх замаар хөлөрч биеэ дотроос нь цэвэрлээрэй.