1 Дасгал хийснийхээ дараа заавал шүршүүрт ор

Дасгал хийсний дараа шүршүүрт орохгүй байхыг зарим хүмүүс илүүд үздэг. Харин энэ нь тун буруу шийдвэр аж. Учир нь их хөлрөх үед хүний биен дээр асар олон тооны бактери үүсдэг бөгөөд тэдгээрийг даруй угааж арилгахгүй бол төрөл бүрийн арьсны өвчин тусч болох аж. 

2 Хөлнийхөө үсийг шүршүүрт орсны дараа хусах

Шүршүүрт орсны дараа хөлийн үсээ хуссанаар таны арьс эмзэгшиж, улайх болно. Ингэснээр арьс тань хэт мэтрэмтгий болох бөгөөд үүний буруутан нь та юм шүү.

3 Шууд халуун усанд орох

Хүн усанд орж байхдаа хэр зэрэг өндөр температуртай усанд орж байгаагаа тэр болгон анзаардаггүй. Хэт халуун усанд орсноор таны арьсны хэвийн нөхцөл алдагдах болно. Харин дараа нь арьс улайх, хорсох, загатнах, хуурайших зэрэг шинж тэмдэг илэрч байвал арьс тань эмзэгшиж хэт хуурайшсан байна гэсэн үг.

4 Өдөр бүр үсээ угаах

"Үс тослогтож гялалзаад байна" гэх шалтгаар хүмүүс үсээ өдөр бүр угаадаг. Энэ нь маш буруу юм. Хуйхнаас ялгарч буй өөрийнх нь тослогийг үсэндээ шингээж, тослогийг тэнцвэржүүлэх нь чухал байдаг. Эс бөгөөс өдөр болгон үсээ угааснаар хуйх хуурайшиж, хагтах, үс салаалах зэрэг сөрөг үр дүнд хүрдэг.

Мөн шампунь, ангижруулагч зэрэг нь таны үсэн дэх хэрэгцээтэй бактеруудыг үгүй хийснээр халзралт явагдах болно. 

5 Урт үсийг алчуураар боох

Бас нэгэн түгээмэл алдаа. Үсээ угааж дуусангуутаа алчуураар чанга боох нь үсийг гэмтээхэд хүргэдэг. Үснээс дусах усыг зөөлөн дарж аваад үсээ өөрөөр нь хатаагаарай, алчуураар бүү боо.

6 Шүршүүрний толгойг цэвэрлэх

Цэвэрлээгүй удсан шүршүүрийн ус шүршдэг хэсэгт нь хүний уушгийг гэмтээдэг бактери үүсдэг аж. 

7 Савангийн тавиурыг зөв ашиглах

Доороо ус тогтсон савангийн тавиур дээр ч мөн бактери асар хурдан үрждэг байна. 

8 Татуургаа шүршүүрт үлдээх

Сахал болон биеийн үс хусдаг татуургыг чийгтэй бус хуурай орчинд байлгаснаар төрөл бүрийн бактери үүсэхээс гадна ир нь мохохоос сэргийлнэ. 

9 Нэг алчуураа олон хэрэглэх

Нэг алчуурыг угаалгүй олон дахин хэрэглэх нь таны эрүүл мэндэд сөргөөр нөлөөлнө. Учир нь та биеэ арчих бүрд алчууран дээр үхэжсэн арьс үлддэг байна. АНУ-ын биологич Филип Тирно(Philip Tierno) алчуураа гурван удаа хэрэглээд угааж байхыг зөвлөжээ.

10 Шүршүүрт орсны дараа шууд ваннаа цэвэрлэх

Шүршүүрт орох бүртээ ваннаа цэвэрлэснээр та төрөл бүрийн халдварт өвчнөөс сэргийлэх болно. 

11 Бие угаагчаа хатааж байх

Бие угаагч хөвсгөр порлон байнга чийгтэй орчинд байдаг тул нян бактери үржих таатай орчин болдог. Асар их нян хуримтлуулсан зүйлээр та биеэ угааж, цэвэрхэн болох нь юу л бол. Тиймээс усанд орсныхоо дараа порлоныхоо усыг сайтар шавхаж хатаагаад, угаалгын өрөөнөөс өөр хуурай орчинд хадгалж байгаарай. 

12 Хөлийг угаахгүй орхих

Хөлийг мөөгөнцөр, нянгаас хамгаалахын тулд байнга угааж, цэвэрлэх ёстой. Саван, скраб ашиглан сойз, бие угаах порлоноор үрж угаана,. Ялангуяа хөлийн хурууны завсрыг сайтар угаагаарай. Дараа нь хуурай болтол нь арчина.