1 Сандарч болохгүй, тусламж дуудаарай

• Сандрах хэрэггүй. Усны гүн рүү доошиллоо ч, таныг буцаан дээш түлхэх болно.
• Толгойгоо усны гадаргуунаас дээр байлгаарай. Үүний тулд жаахан гэдийх хэрэгтэй.
• Хий дэмий тийчигнэх хэрэггүй. Харин дугуй унаж байгаа мэт хөлөө хөдөлгөөрэй.
• Аль болох гүнзгий, удаанаар амьсгалаарай.
• Тусламж дуудаарай.

2 Зогсож байсан газар руугаа буцаж гараарай

• Хэрэв куртка, цүнх тань доош чангаагаад байвал тайлах хэрэгтэй. Гэхдээ хүнд оргихгүй байгаа хувцсаа тайлж, цагаа үрэх хэрэггүй. Харин ч хувцасны халаасанд хуримтлагдсан агаар таныг хөвөхөд туслана.
• Мөс цөмөрсөн хэсэг мэдээж нимгэн байж таараа. Гэхдээ таны анх зогсож байсан газар мөс зузаан байдаг тул тэр зүг рүүгээ гарах хэрэгтэй.
• Хоёр гараа аль болох урт сунгаж, мөснөөс зуураарай.

3 Мөснөөс зуурч, уснаас гараарай

• Гараараа мөснөөс зуурч байгаад уснаас гарна. Ингэхийн тулд биеэ хөндлөн байрлалд оруулбал хялбар болох юм.
• Хамгийн зөв арга бол баруун гараараа мөснөөс зуурч, зүүн хөлөө огцом дээш өргөж, мөсөн дээр тавих явдал юм.

4 Шууд босч болохгүй, өнхрөх хэрэгтэй

• Мөсөн дээр гармагцаа босох хэрэггүй. Ингэвэл мөс дахин цөмөрч мэднэ.
• Нүхнээс хангалттай холдох хүртлээ өнхрөх хэрэгтэй.

5 Ирсэн газар руугаа өнхрөх нь зүйтэй

• Ирсэн газар руугаа өнхөрнө. Учир нь таны явж байсан газар мөс зузаан байгааг санаарай.
• Голоос холдлоо гээд санаа амарч болохгүй. Үргэлж хөдөлгөөнтэй байхгүй бол хөлдөж мэднэ. Тиймээс дулаан газар хүртлээ гүйгээрэй.

6 Нойтон хувцсаа тайлж, дулаацаарай

• Дулаан газар очмогцоо нойтон хувцсаа тайлж, хөнжилдөө ороод, халуун юм уугаарай.
• Халуун усанд орж болохгүй. Ингэснээр халуун хүйтэн харшиж, шоконд орж мэдэх бөгөөд зүрхэнд хэт их ачаалал очиж, цус харваж магадгүй юм.
• Дулаан газар очих боломжгүй бол нойтон хувцсаа мушгих хэрэгтэй. Нойтон хувцастай байх нь хувцасгүй байснаас ялгаагүй аюултай.
• Аль болох хурдан эмчид хандаж, зөвлөгөө аваарай.

Та энэ тухай хайртай дотны хүмүүстээ хэлж, сэрэмжлүүлээрэй.